Fyrstu tilboðin í Iceland 1,3 til 1,5 milljarðar punda

Fyrstu tilboðin í Iceland Foods verslunarkeðjuna hljóða upp á 1,3 til 1,5 milljarða punda eða allt að 273 milljarða króna.

Danska stjórnin hættir við að einkavæða Dong

Danska ríkisstjórnin hefur ákveðið að hætta við áformin um að einkavæða Dong hið opinbera olíu- og gasfélag landsins.

Hlutabréf lækkuðu í BNA

Helstu hlutabréfavísitölur í Bandaríkjunum lækkuðu í dag. Nasdaq lækkaði um 2,01% og S&P 500 um 1,26%. Helstu vísitölur í Evrópu hækkuðu hins vegar lítillega. FTSE vísitalan í Bretlandi hækkaði um 0,74% og Dax hækkaði um 0,61%

Apple hagnaðist um 3.000 milljarða

Hagnaður Apple fyrir rekstrarárið sem lauk 24. september sl. nam 25,9 milljörðum dollara, eða sem nemur tæplega 3.000 milljörðum króna.

Lánshæfiseinkunn Spánar lækkuð

Lánshæfismatsfyrirtækið Moody‘s lækkaði í morgun lánshæfiseinkunn Spánar. Í rökstuðningi fyrir ákvörðuninni segir að mesta áhyggjumálið sé mikið atvinnuleysi og hratt lækkandi húsnæðisverð, sem komi sér einkar illa fyrir veikburða fjármálakerfi landsins.

Olíuborpallur boðinn almenningi til sölu

Norska olíufélagið Statoil hefur boðið almenningi til sölu einn af olíuborpöllum sínum. Borpallurinn er staðsettur á Huldra olíusvæðinu í Norðursjónum vestur af Bergen.

Nýjasta útgáfa Android kynnt í dag

Nýjasta útgáfa Android stýrikerfisins verður kynnt í dag. Google, sem framleiðir Android, vonast til að stemma stigum við velgengni Apple á snjallsíma markaðinum.

Björgunarsjóður ESB stækkaður

Frakkar og Þjóðverjar hafa náð samkomulagi um að björgunarsjóður fyrir evrusvæðið verði stækkaður upp í tvær trilljónir evra til að takast á við skuldakreppuna í Evrópu. Málið verður rætt á fundi leiðtoga Evrópuríkja um næstu helgi, eftir því sem fullyrt er á fréttavef Guardian.

Hækkanir vestanhafs en lækkanir í Evrópu

Helstu hlutabréfavísitölur i Bandaríkjunum hækkuðu lítillega í dag. Dow Jones hækkaði um 1,58%, Nasdaq um 1,63% og S&P 500 um 2,04%.

Lækka lánshæfismat hjá 24 ítölskum bönkum

Lánshæfismatsfyrirtækið Standard & Poor's lækkaði í dag lánshæfismat 24 banka og fjármálastofnana. „Markaðsaðstæður á evrusvæðinu, sérstaklega á Ítalíu og dökkar framtíðarhorfur um hagvöxt hefur leitt til verri horfa hjá ítölsku bönkunum" segir í yfirlýsingu S&P.

Coca-Cola hagnaðist um 250 milljarða króna

Drykkjarvörurisinn Coca-Cola hagnaðist um 2,2 milljarða dollara, rúmlega 250 milljarða króna, á þriðja ársfjórðungi. Þetta er um 45% hagnaðaraukning frá ársfjórðunginum á undan, samkvæmt frétt breska ríkisútvarpsins BBC.

Verðbólga mælist 5,2% í Bretlandi

Verðbólga í Bretlandi mælist nú 5,2% samkvæmt tölum sem birtar voru í dag. Verðbólga hefur aukist mikið undanfarin misseri, en hún mældist 4,5% í mánuðinum á undan. Þetta er mesta verðbólga sem mælst hefur frá því árið 1997.

Völdu laxinn í staðinn fyrir gullið

Íbúar í litlu sveitarfélagi í suðurhluta Alaska ákváðu að hafna gull- og koparnámuvinnslu við stöðuvatn í sveitarfélaginu og það þótt sú vinnsla hafi átt að skapa 1.000 ný störf fyrir íbúana sem glíma við töluvert atvinnuleysi.

Verðbólgan í Bretlandi ekki meiri síðan haustið 2008

Verðbólgan í Bretlandi mælist 5,2% og hefur ekki verið meiri síðan í hruninu haustið 2008.

Svíar mestu búðaþjófarnir á Norðurlöndunum

Svíar eru mestu búðaþjófarnir á Norðurlöndunum. Þetta kemur fram í nýrri rannsókn sem unnin var á vegum öryggisþjónustunnar Checkpoint Systems.

Atvinnuleysi í Danmörku vantalið um 100.000 manns

Í ljós hefur komið að atvinnuleysi í Danmörku er vantalið um rúmlega 100.000 manns í opinberum gögnum þar í landi.

Efnahagskerfi Kína aðeins að kólna

Rauðglóandi efnahagskerfi Kína er aðeins farið að kólna. Hagvöxtur á þriðja ársfjórðungi reyndist vera 9,1% en hann mældist 9,5% á öðrum ársfjórðungi ársins og 9,7% á þeim fyrsta.

Moody´s varar Frakkland við lækkun lánshæfiseinkunnar

Matsfyrirtækið Moody's hefur varað frönsk stjórnvöld við því að lánshæfiseinkunn franska ríkisins gæti verið í hættu. Moody´s er að íhuga að setja einkunnina á neikvæðar horfur en Frakkland heldur enn toppeinkunn, það er AAA, hjá matsfyrirtækinu.

Gríðarlegur fjöldi starfa tapast

Stjórnendur raftækjaframleiðandans Philips ætla að leggja niður 4500 stöðugildi á næstunni. Þetta var tilkynnt um leið og sagt var frá gríðarlegu tekjutapi félagsins á þriðja fjórðungi ársins. Ástæða tapsins er fyrst og fremst minni sala. Hagnaður fyrirtækisins á þriðja ársfjórðungi var 74 milljónir evra samanborið við 524 milljónir á sama tímabili í fyrra. Á síðustu sjö mánuðum hefur Phillips tvisvar gefið út afkomuviðvaranir. Hlutabréf í Phillips hafa fallið um 40% á síðasta ári vegna verri afkomu.

Vandi Evrópu hefur áhrif í Kína

Þó hagvöxtur í Kína sé enn mikill eru ýmis merki um að hann sé að minnka, einkum vegna minnkandi eftirspurnar frá Evrópu. Þetta segir sérfræðingurinn Alistair Thornton, starfsmaður IHS Global, í samtali við breska ríkisútvarpið BBC í kvöld.

Samsung og Apple etja kappi

Samsung tilkynnti í dag að fyrirtækið hefði selt 30 milljón eintök af snjallsímum sínum, Galaxy S og Galaxy S II.

Kanslarinn skelfdi fjárfesta

Hlutabréf á mörkuðum í Evrópu féllu í dag eftir að Angela Merkel, kanslari Þýskalands, hvatti til hóflegrar bjartsýni í ræðu í dag. Hlutabréfamarkaðir voru nokkuð háir í morgun eftir fögur fyrirheit sem voru gefin á laugardag. Þá var því heitið að leiðtogar Evrópuríkjanna myndu kynna aðgerðir á næsta sunnudag sem gætu haft mikil áhrif.

Merkel: Vika til stefnu

Búa sig undir meiri afskriftir á skuldum Grikklands

Óvíst er að áætlun sem takmarkar tjón af efnahagsvanda Grikklands verði samþykkt af leiðtogum Evrópuríkja. Stjórnendur banka sem eiga grísk skuldabréf er þegar farnir að búa sig undir að tjónið verði meira en þjóðarleiðtogar hafa gefið í skyn. Þetta segir Stephen Evans, viðskiptablaðamaður breska ríkisútvarpsins BBC, í pistli á vefsíðu BBC í dag.

ISS selt til bresks félags fyrir 950 milljarða

Búið er að selja danska hreingerningarisann ISS fyrir 44,3 milljarða danskra kr. eða sem svarar til rúmlega 950 milljarða kr. Kaupandinn er breska öryggisfyrirtækið G4S.

Fyrstu tilboðin í Iceland opnuð á miðvikudag

Reuters hefur það eftir ónafngreindum heimildarmönnum að fyrstu tilboðin í Iceland Foods verslunarkeðjuna verði opnuð á miðvikudaginn kemur.

Hraðari og betri en forverarnir

Margir bjuggust við að fá að sjá þunnan og léttan iPhone með stærri skjá þegar Apple kynnti nýjustu uppfærsluna á þessum vinsæla snjallsíma. iPhone 4S, sem þá var kynntur, hefur þó fengið góðar viðtökur síðan hann kom á markað á föstudag.

Margir vilja Iceland foods - Walker bíður átekta

Malcom Walker, forstjóri og stofnandi, Iceland foods verslanakeðjunnar í Bretlandi, mun ekki bjóða í hlutafé félagsins í fyrstu umferð söluferlisins sem slitastjórn gamla Landsbankans og Glitnis ætla að hefja á næstunni samkvæmt heimildum breska dagblaðsins The Telegraph.

Funda um efnahagsvandann í París

Fjármálaráðherrar á evrusvæðinu munu funda í París um helgina til að ræða lausn á fjármálakrísunni á svæðinu.

BlackBerry þjónustan komin í samt lag

Búið er að lagfæra kerfisbilun sem varð í símtækjum BlackBerry. Þetta sagði stofnandi BlackBerry, Mike Lazaridis, á blaðamannafundi í gær. Hann sagði að fyrirtækið myndi nú rannsaka hvað olli biluninni.

McDonald´s í Danmörku blekkir viðskiptavini sína

Hamborgarakeðjan McDonald´s í Danmörku blekkir viðskiptavini sína með því að selja þeim hamborgara og franskar sem eru töluvert léttari í vikt en lofað er í auglýsingum keðjunnar.

Talið að fjórar milljónir eintaka seljist um helgina

Nýjasti snjallsími Apple, iPhone 4S, fer í sölu í dag.

S&P lækkar lánshæfiseinkunn Spánar

Matsfyrirtækið Standard & Poor´s (S&P) hefur lækkað lánshæfiseinkunn Spánar um eitt hak, eða úr AA niður í AA-.

Stjórnandi vogunarsjóðs dæmdur í 11 ára fangelsi

Dómstólar í New York dæmdu auðkýfinginn Raj Rajaratnam í 11 ára fangelsi fyrir innherjasvik.

Verð á hótelgistingu í Danmörku hríðlækkar

Verð á hótelgistingu í Danmörku hefur hríðlækkað á síðustu árum og hefur sjaldan verið ódýrara að gista í borginni.

Gífurlegt verðfall á norskum eldislaxi

Gríðarlegt verðfall hefur orðið á norskum eldislaxi og segir á viðskiptasíðum norska blaðsins BT, að eldið sé nú rekið með talsverðu tapi.

Mærsk selur hluta af skipaflota sínum

Danska skipafélagið Mærsk hefur selt hluta af skipaflota sínum fyrir 7,6 milljarða danskra króna eða sem svarar til rúmlega 160 milljarða króna.

Fékk 140 milljarða að láni hjá 30 bönkum

Nafn danska fasteignabraskarans Peter Halvorsen kemur upp úr kafinu í hvert sinn sem sem danskur banki verður gjaldþrota. Nú síðast þegar Max Bank hrundi.

Hagnaður Alcoa undir væntingum

Álrisinn Alcoa, móðurfélag Fjarðaráls, skilaði 172 milljóna dollara hagnaði eða um 20 milljarða króna hagnaði á þriðja ársfjórðungi ársins.

iPad vinsælasta spjaldtölvan á internetinu

Samkvæmt niðurstöðum markaðsrannsóknar fyrirtækisins comScore er iPad vinsælasta spjaldtölva Internetsins. Í tilkynningu frá fyrirtækinu kom fram að 97.2% af þeim sem nota spjaldtölvur á Internetinu noti spjaldtölvuna vinsælu frá Apple.

BlackBerry-þjónustan liggur enn niðri

Notendur Blackberry snjallsímanna eru æfir annan daginn í röð. Skilaboðaþjónusta BlackBerry liggur enn niðri í Evrópu, Mið-Austurlöndum og Afríku. Vandamálið má rekja til galla í tækjunum sem lokar fyrir internetaðgang þeirra.

Sala Iceland Foods jókst um 10% milli ára

Aukningin í sölunni hjá Iceland Foods verslunarkeðjunni nam 10% á þriða ársfjórðungi ársins miðað við sama tímabil í fyrra. Aukning er 4,5% frá öðrum ársfjórðungi ársins.

Ítalskur ráðherra segir kókaínneyslu valda fjármálaóróanum

Aðstoðarráðherra í stjórn Silvio Berlusconi segir að kókaínneysla verð- og hlutabréfasala en ekki spákaupmennska sé ástæða óróleikans á fjármálamörkuðum heimsins.

Samkeppnisreglur flækja söluna á Iceland

Samkeppnisreglur gera það að verkum að fjórar af stærstu stórmarkaðakeðjum Bretlands þyrftu að losa sig strax við yfir 20% af verslunum Iceland ef þær eignast Iceland.

Hlutabréf í Dexía hrapa

Hlutabréf í fransk-belgíska Dexía-bankanum lækkuðu um þriðjung í gær eftir að belgísk stjórnvöld ákváðu að kaupa hinn belgíska hluta bankans til að bjarga honum frá gjaldþroti og greiða fjóra milljarða evra fyrir, en það samsvarar um það bil 640 milljörðum króna.