Viðskipti innlent

Kaldvík fær enn frekari frest

Áróra L Davíðsdóttir skrifar
Kaldvík rekur sjókvíaeldi á austfjörðum, meðal annars í Berufirði.
Kaldvík rekur sjókvíaeldi á austfjörðum, meðal annars í Berufirði. Vísir/Vilhelm

Lánveitendur sjókvíeldisfyrirtækisins Kaldvíkur framlengdu enn frekar frest tímabundinnar undanþágu félagsins frá lánaskilmálum. Stóð til að frestur rynni út í dag en hefur hann verið framlengdur til miðvikudags.

Þann 1. október síðastliðinn greindi Kaldvík frá því í tilkynningu til Kauphallar að félagið hefði gert samkomulag við lánveitendur sína um undanþágu frá skilmálum varðandi fjármögnunarsamninga félagsins. Marglyttur hefðu valdið tjóni í eldi félagsins í Reyðarfirði sem hefði haft áhrif á framleiðslu og fjárhagsstöðu fyrirtækisins. Meðal annars hafði félagið ekki uppfyllt skilyrði um lágmarkslausafjárstöðu.

Höfðu lánveitendur samþykkt að veita undanþáguna til og með 25. október, gærdeginum, en þar sem gærdagurinn hafi ekki verið opnunardagur bankanna var fresturinn framlengdur til dagsins í dag.

Í Kauphallartilkynningu frá því í kvöld segir síðan að lánveitendur hafi framlengt frestinn enn frekar, til klukkan 15:00 að íslenskum tíma miðvikudaginn næstkomandi, þann 28. október.

„Félagið er áfram í viðræðum við lánveitendur sína og aðra viðeigandi hagsmunaaðila varðandi fjármögnunarstöðu sína og mun veita frekari upplýsingar þegar við á,“ segir í tilkynningunni.

Kaldvík Sjókvíaeldi Lax Fiskeldi

Tengdar fréttir

Kaldvík fær starfs- og rekstrarleyfi í Seyðisfirði

Félagið Kaldvík AS hefur fengið rekstrar- og starfsleyfi til að ala tíu þúsund tonn af laxi frá Matvælastofnun og Umhverfis- og orkustofnun í Seyðisfirði. Í tilkynningu til Kauphallar segir forstjóri það mikilvægan áfanga. 

Hafi verið beggja vegna borðsins

Deildarstjóri fiskeldisdeildar Matvælastofnunar segir fyrrverandi starfsmann Fiskeldis Austfjarða ekki hafa komið að áhættumati vegna fyrirhugaðs eldis félagsins í Seyðisfirði. Honum hafi aðeins verið beint tiltekinni spurningu um staðal fyrir eldisbúnað. Katrín Oddsdóttir lögmaður gagnrýnir að leitað hafi verið til hans þrátt fyrir reglu um að hann kæmi ekki að málinu.

„Staðan er þung“ hjá Kald­vík eftir erfiðan vetur og lækka verðmatið frekar

Framtíð Kaldvíkur mun ráðast af því hver „vöxtur og viðgangur“ stofnsins á árinu 2025 verður hjá fiskeldisfélaginu, að mati hlutabréfagreinanda, en ljóst sé að „engin flugeldasýning“ verður í rekstrinum á yfirstandandi ári. Verðmat á Kaldvík er lækkað um nærri fimmtung, en er samt enn nokkuð hærra en markaðsgengið.

Kaldvík sett í skammarkrókinn í Ósló

Euronext kauphöllin í Ósló í Noregi hefur sett Kaldvík AS, sem einnig er skráð á First North markaðnum hér á landi, í skammarkrókinn fyrir að skila ekki ársreikningi á tilsettum tíma.



Mest lesið


Fleiri fréttir

Sjá meira


×

Mest lesið