Sex lausnir sem geta lokað stærstu öryggisgötum fyrirtækisins

Öruggt Net 18. ágúst 2026 10:24

Sigurður Gísli Bjarnasoner stofnandi Öruggs Nets sem er ráðgjafar- og þjónustufyrirtæki sem aðstoðar fyrirtæki við að draga úr áhættu vegna netárása, gagnataps og annarra öryggisatvika.

Réttur búnaður og vel valdar hugbúnaðarlausnir geta skipt sköpum fyrir netöryggi fyrirtækja. Úrvalið er þó mikið og fyrirtæki geta auðveldlega fjárfest í dýrum eða óþarflega flóknum lausnum sem henta illa eða vinna ekki saman.

Öruggt Net velur lausnir sem fyrirtækið þekkir af eigin raun, hefur prófað ítarlega og getur staðið á bak við.

Ráðgjöf fylgir tækninni

„Góð vara leysir ekki sjálfkrafa vandamál. Hún þarf að vera rétt valin, rétt uppsett og notuð með réttum hætti,“ segir Sigurður Gísli Bjarnason, stofnandi Öruggs Nets, íslensks ráðgjafar- og þjónustufyrirtækis sem aðstoðar fyrirtæki við að draga úr áhættu vegna netárása, gagnataps og annarra öryggisatvika.

Þarfir fyrirtækja eru ólíkar. Sum þurfa fyrst og fremst Microsoft 365, örugga lykilorðastjórnun og áreiðanlega afritun, en önnur þurfa einnig netbúnað, veikleikagreiningu eða sérhæfðar lausnir fyrir viðkvæm gögn.

„Við skoðum heildarmyndina og hjálpum viðskiptavinum að velja lausnir sem vinna vel saman. Þjónustan nær frá ráðgjöf og vali til uppsetningar og áframhaldandi þjónustu,“ segir Siggi.

Microsoft-lausnir með íslenskri þjónustu

Microsoft 365 er mikilvægur hluti af daglegum rekstri margra fyrirtækja. Öruggt Net er viðurkenndur Microsoft Cloud Solution Provider og býður meðal annars Microsoft 365, Azure og Visio.

Viðskiptavinir fá aðstoð við að velja og samræma áskriftir eftir þörfum starfsfólks. Fyrirtæki sem kaupa áskriftir beint frá Microsoft geta fært þær til Öruggs Nets og fengið reikninga í íslenskum krónum í stað þess að greiða með kreditkorti. Að ósk viðskiptavinar er einnig hægt að senda reikningana beint í bókhaldskerfi fyrirtækisins.

Við skoðum heildarmyndina og hjálpum viðskiptavinum að velja lausnir sem vinna vel saman.

„Viðskiptavinurinn fær ekki aðeins leyfin heldur íslenska þjónustu við val, uppsetningu og úrlausn vandamála. Ef leita þarf til Microsoft sjáum við um samskiptin og fylgjum málinu eftir,“ segir Siggi.

MikroTik – öflugur netbúnaður á hagstæðu verði

Tölvunetið er ein af undirstöðum netöryggis. „Ef grunnurinn er veikur eða illa upp settur duga aðrar varnir skammt,“ segir Siggi.

MikroTik er lettneskur framleiðandi beina, netskipta, þráðlausra kerfa og annars netbúnaðar fyrir jafnt lítil fyrirtæki sem stærri og flóknari umhverfi. Öruggt Net er eini viðurkenndi dreifingaraðili MikroTik á Íslandi og aðstoðar við val, hönnun, uppsetningu og rekstur netsins.

„MikroTik býður upp á sambærilega eiginleika og ýmsar mun dýrari stórfyrirtækjalausnir, en á hagstæðara verði. Hugbúnaðarleyfi og uppfærslur fylgja búnaðinum og ekki þarf að greiða árleg leyfisgjöld fyrir grunnvirkni tækjanna,“ segir Siggi.

Fjórar lausnir sem styrkja daglegt öryggi

Mörg alvarleg öryggisatvik má rekja til veikra lykilorða, glataðra gagna, óþekktra veikleika eða ótryggrar meðferðar viðkvæmra upplýsinga. Öruggt Net býður fjórar sérhæfðar lausnir sem taka á þessum áhættuþáttum.

1Password einfaldar örugga lykilorðastjórnun. Lausnin býr til og varðveitir sterk, einstök lykilorð, fyllir sjálfkrafa inn innskráningarupplýsingar og gerir starfsfólki kleift að deila aðgöngum án þess að senda lykilorð í tölvupósti eða skilaboðum. Með viðskiptaleyfi frá Öruggu Neti fylgja uppsetning, klukkustundarlöng þjálfun og fjölskyldupakki fyrir starfsmann og allt að fimm fjölskyldumeðlimi.

Druva veitir sjálfvirka afritun og endurheimt gagna, meðal annars fyrir Microsoft 365, Google Workspace og Salesforce. „Það er ekki nóg að gögnin séu geymd í skýinu. Fyrirtæki þurfa sjálfstæð afrit sem hægt er að endurheimta eftir mistök, bilun eða netárás,“ segir Siggi. Lausnin er skýjainnbyggð, krefst ekki sérstaks afritunarbúnaðar hjá viðskiptavininum og dulkóðar gögn bæði í flutningi og geymslu.

Nanitor veitir stöðuga yfirsýn yfir tæki, kerfi og veikleika í upplýsingatækniumhverfinu. Lausnin greinir meðal annars þekkta veikleika, rangar stillingar og uppfærslur sem vantar og hjálpar fyrirtækjum að forgangsraða mikilvægustu úrbótunum. Hún getur einnig einfaldað undirbúning fyrir úttektir og gefið stjórnendum skýrari mynd af stöðu öryggismála.

Kobra InfoSec býður dulkóðaða USB-C-minnislykla og utanáliggjandi diska fyrir örugga geymslu og flutning viðkvæmra gagna. Búnaðurinn hefur hlotið samþykki þýsku alríkisstofnunarinnar fyrir upplýsingaöryggi fyrir gögn í ströngum trúnaðarflokkum og hentar því fyrirtækjum og opinberum aðilum sem þurfa að gera miklar kröfur til gagnaverndar.

„Hver lausn tekur á ákveðinni áhættu, en saman hjálpa þær fyrirtækjum að verja aðganga, tryggja gögn, finna veikleika og meðhöndla viðkvæmar upplýsingar á öruggan hátt,“ segir Siggi.

Vandlega valdar vörur í vefverslun

Í vefverslun Öruggs Nets má finna MikroTik-netbúnað, Kobra-geymslumiðla og annan vandlega prófaðan tölvu- og öryggisbúnað á samkeppnishæfu verði.

„Öryggi og gæði þurfa ekki að þýða hærra verð. Við viljum hjálpa viðskiptavinum að velja réttar lausnir og fá sem mest fyrir fjárfestinguna,“ segir Siggi.

Pantanir sem berast og eru greiddar fyrir klukkan 12 á virkum degi eru afgreiddar samdægurs með Dropp. Boðið er upp á 30 daga skilafrest á lagervörum.