Sel­fyssingar svöruðu fyrir sig

Sindri vann fyrsta leikinn á Hornafirði, 110-87, en Selfoss svaraði fyrir sig með sigri í Vallaskóla í kvöld, 85-81.

Steven Lyles fór mikinn í liði Selfyssinga og skoraði 33 stig. Ari Hrannar Bjarmason skoraði tólf stig og Tristan Máni Morthens ellefu.

Selfoss leiddi með ellefu stigum í hálfleik, 47-36. Fyrir lokaleikhlutann munaði tíu stigum, 68-58.

Þar sótti Sindri hart að Selfossi og minnkaði muninn niður tvisvar sinnum niður í eitt stig. Hornfirðingar náðu hins vegar aldrei að jafna eða komast yfir og Selfyssingar lönduðu fjögurra stiga sigri, 85-81.

Jason Gigliotti skoraði 21 stig og tók þrettán fráköst í liði Sindra og Myles McCrary skilaði tuttugu stigum og tólf fráköstum.

Selfyssingar tóku aðeins fimmtán þriggja stiga skot í leiknum en hittu úr sex þeirra (fjörutíu prósent). Á meðan rötuðu aðeins sjö af 32 þriggja stiga skotum Hornfirðinga rétta leið (21 prósent).

Liðin mætast í þriðja sinn á Höfn á föstudaginn kemur. Vinna þarf þrjá leiki til að komast í úrslit umspilsins. Í hinni undanúrslitarimmunni eigast Breiðablik og KV við.