Viðskipti erlent

Tals­verðar hækkanir á heimsmarkarðsverði olíu

Birgir Olgeirsson skrifar
Mikil óvissa ríkir vegna flutninga á olíu sem hefur valdið talsverðum hækkunum á heimsmarkaðsverði. 
Mikil óvissa ríkir vegna flutninga á olíu sem hefur valdið talsverðum hækkunum á heimsmarkaðsverði.  AP

Heimsmarkaðsverð á olíu hækkaði töluvert í morgun vegna átaka tengdra Íran og röskunar á olíuflutningi frá Persaflóasvæðinu.

Verð á Brent-hráolíu, sem er evrópska viðmiðið, var um 82.68 bandaríkjadalir á tunnu í morgun og hafði þá hækkað um nærri 5 bandaríkjadali, en síðast var verðið svo hátt í júlí árið 2024. Bandarísk WTI-olía var um 75,91 bandaríkjadalir í morgun og hafði hækkað um 4,68 bandaríkjadali.

Reuters segir hækkunina mega einna helst rekja til óvissu með siglingar um Hormuz-sund, sem er inngangurinn að Persaflóasvæðinu og lykilflutningaleið fyrir olíu og jarðgas, en 20% af olíu og gasi heimsins fer þar um. Þegar hafa verið gerðar árásir á nokkur skip sem hafa siglt um svæðið. 

Jafnframt er greint frá því á Reuters að skipafélög forðist nú sundið og tryggingafélög hafi dregið til baka tryggingar vegna stríðsátaka, sem fæli skipafélögin enn frekar frá þessari flutningaleið.

Heimsmarkaðsverðið hefur því hækkað um þrjú til fjögur prósent á einum morgni sem telst talsvert á olíumarkaði. Reuters bendir einnig á að olíuverð hafi hækkað um 10% eftir því sem átökin hafa harðnað.

Bensín og olía

Tengdar fréttir

Vaktin: Átökin breiðast enn út

Átökin í Mið-Austurlöndum halda áfram að breiða úr sér. Bandaríkjamenn og Ísraelar varpa enn sprengjum á skotmörk í Íran og Íranir halda áfram að svara fyrir sig með dróna- og eldflaugaárásum á nágrannaríki sín. Hezbollah lýsti í gær yfir stríði við Ísrael og gerðu Ísraelar nýja innrás í Líbanon í morgun. 



Mest lesið


Fleiri fréttir

Sjá meira


×

Mest lesið