Stærsti olíu- og gas­fundur olíurisa í 25 ár

Fundurinn er liður í stefnubreytingu hjá fyrirtækinu þar sem til stendur að leggja minni áherslu á endurnýjanlega orkugjafa og leggja aftur aukinn þunga í jarðefnaeldsneyti. 

Í febrúar síðastliðnum samþykkti fyrirtækið að frysta frekari fjárfestingar í endurnýjanlegum orkugjöfum og eyða milljörðum dollara til viðbótar í olíu- og gasframleiðslu.

Í tilkynningu fyrirtækisins segir að olía og gas hafi fundist á um 500 metra svæði við Bumerangue á Santos svæðinu, um 400 kílómetrum austur fyrir Brasilíu.

BP hefur einnig fundið stórar olíu- og gaslindir í Mexíkóflóa og víðar á þessu ári.

„Þetta er enn eitt farsæla skrefið sem við höfum tekið á þessu frábæra ári hingað til,“ er haft eftir Gordon Birrell forstjóra BP í tilkynningu.

BP hefur tekið hvert höggið á fætur öðru síðan árið 2020 þegar fyrirtækið hrinti úr vör áætlun um að verða kolefnishlutlaus orkuframleiðandi.

Árið 2020 skilaði fyrirtækið 5,7 milljarða dollara tapi, vegna áhrifa heimsfaraldurs kórónuveiru. Tveimur árum síðar tók það 25 milljarða dollara högg þegar það afksrifaði eignir í rússneskum orkufyrirtækjum eftir innrás Rússa í Úkraínu.

Hlutabréfaverð hefur lækkað á undanförnum árum, þar sem fyrirtækið hefur fjárfest milljörðum dollara í endurnýjanlega orkugjafa meðan önnur orkufyrirtæki í samkeppni við þá græddu á tá og fingri vegna hækkandi olíuverðs eftir innrás Rússa í Úkraínu.

Hlutabréfaverð BP hækkaði um eitt prósent í kauphöllinni í London eftir tilkynninguna um olíu- og gasfundinn við Brasilíu.

BBC