Viðskipti innlent

Fylltu tankinn fyrir tólf hundruð krónur vegna kommu­villu

Kjartan Kjartansson skrifar
Lítraverð á dælu við Olísstöðina í Álfheimum var á tímabili 32,2 krónur í morgun. Heppinn viðskiptavinur þurfti aðeins að greiða 2.333 krónur fyrir 72,45 lítra af eldsneyti vegna villunnar.
Lítraverð á dælu við Olísstöðina í Álfheimum var á tímabili 32,2 krónur í morgun. Heppinn viðskiptavinur þurfti aðeins að greiða 2.333 krónur fyrir 72,45 lítra af eldsneyti vegna villunnar. Vísir/Magnús

Ökumenn sem versluðu hjá Olís í Álfheimum spöruðu sér allt að tuttugu þúsund krónur vegna bilunar í morgun. Kommuvilla á dælum leiddi til þess að bensínlítrinn var seldur á 32,2 krónur í staðinn fyrir 322 krónur. Búið er að laga villuna.

Samkvæmt upplýsingum frá Olís hringdu viðskiptavinir inn og létu vita af biluninni í morgun. Hún hafi ekki varað lengi. Fyrir vikið gátu einhverjir viðskiptavinir stöðvarinnar fyllt á hefðbundinn fólksbíl fyrir tæpar þrettán hundruð krónur í staðinn fyrir tæpar þrettán þúsund krónur.

Eins og sjá má á myndinni sem fylgir fréttinni keypti ökumaður stærri bifreiðar sér rúmlega 72 lítra af eldsneyti fyrir rúmar 2.300 krónur. Villan sparaði honum þannig um tuttugu þúsund krónur.

Bensín og olía Neytendur Bílar


Mest lesið


Fleiri fréttir

Sjá meira


×

Mest lesið