Ofurfæðis súkkulaðikaka slær í gegn í skamm­deginu

Nýverið deildi hún myndbandi af sér að útbúa svokallaða ofurfæðis (e. superfood) súkkulaðikökubita og fylgjendur Jönu hafa keppst um að reyna að næla í uppskriftina. 

Hana má finna hér en hún er birt með góðu leyfi Jönu:

Botninn:

1 bolli steinlausar döðlur

1 bolli valhnetur (eða 1/2 bolli valhnetur & 1/2 bolli pekanhnetur)

½ bolli pistasíuhnetur

1 msk chiafræ

2 msk hampfræ

3 msk kakóduft

1 msk brædd kókosolía

1 tsk vanilla

¼ tsk sjávarsalt

¼ bolli þurrkuð trönuber (eða þurrkuð kirsuber eða gojiber)

1 msk heitt vatn, ef þarf

Toppurinn:

100 gr dökkt gæða súkkulaði

1 msk kókosolía

Smá sjávarsalt ofan á

„Setjið döðlur, hnetur og ¼ ​​bolla af pistasíuhnetum í matvinnsluvélina og blandið vel saman. Bætið því næst út í chiafræjum, hampfræjum, kakódufti, kókosolíu, restina af pistasíuhnetunum og vanillu.

Kveiktu a matvinnsluvélinni og blandaðu saman en ekki of lengi, mér finnst gott að hafa smá bita. Ef blandan er enn smá þurr skaltu bæta við 1-2 matskeiðum af volgu vatni.

Setjið bökunarpappír ofan í kassalaga eða ílangt form og pressið deiginu vel niður. Bræðið súkkulaðið og kókosolíuna yfir vatnsbaði og hellið ofan á botninn.

Frystið í nokkrar klukkustundir, stráið svo smá salt yfir og skerið í litla bita. Setjið í box með loki og geymið í frysti. Nælið ykkur í þegar ykkur langar í næringarríka mola sem eru fullir af góðri fitu, trefjum, steinefnum og orku.“