Fótbolti

Alexandra fagnaði sigri í Íslendingaslag í Meistara­deildinni

Óskar Ófeigur Jónsson skrifar
Alexandra Jóhannsdóttir er að gera góða hluti með ítalska félaginu Fiorentina.
Alexandra Jóhannsdóttir er að gera góða hluti með ítalska félaginu Fiorentina. Getty/Paolo Giuliani

Alexandra Jóhannsdóttir og félagar hennar í ítalska félaginu Fiorentina eiga enn möguleika á því að komast í Meistaradeildina í vetur.

Fiorentina tryggði sér sæti í úrslitaleiknum í sinum riðli með 1-0 sigri á danska félaginu Bröndby í forkeppni Meistaradeildarinnar.

Þetta var Íslendingaslagur því með Bröndby spiluðu þær Ingibjörg Sigurðardóttir og Hafrún Rakel Halldórsdóttir

Eina mark leiksins kom á 39. mínútu og það skoraði Ítalinn Agnese Bonfantini eftir stoðsendingu frá Svíanum Madelen Janogy.

Allar íslensku stelpurnar voru í byrjunarliðum sinna liða og spiluðu líka allan leikinn.

Fiorentina mætir hollenska félaginu Ajax í úrslitaleik um sæti í næstu umferð en Bröndby spilar um þriðja sætið í riðlinum við Kolos Kovalivka.

Meistaradeild Evrópu í fótbolta kvenna

Mest lesið


Fleiri fréttir

Sjá meira


×

Mest lesið