Tækni­skólinn kominn í úr­slit Framhaldsskólaleikanna

Viðureignirnar voru gífurlega spennandi þar sem að báðir skólarnir eru þeir einu sem hafa unnið FRÍS í gegnum tíðina en Tækniskólinn hefur unnið leikana tvisvar, árin 2021 og 2022, en Fjölbrautaskóli Vesturlands á Akranesi vann leikana á síðasta ári. Mætti því segja að 2 bestu skólar landsins mættust þetta kvöld.

Tækniskólinn bar sigur úr býtum að lokum sem þýðir að núverandi sigurvegari FRÍS, FVA, er dottinn úr leik. Tækniskólinn er því búinn að tryggja sér sæti í úrslitum sem munu eiga sér stað þann 17. apríl en þar munu þeir annaðhvort mæta Fjölbrautaskóla Suðurlands eða Fjölbrautaskólanum í Garðabæ.

Tækniskólinn vann Rocket League viðureignina 2-0 en fyrsti leikurinn fór 3-1 og sá seinni 3-0 Tækniskólanum í hag. Einnig vann Tækniskólinn Valorant 13-9 þar sem kortið ,,Ascent” varð fyrir valinu og byrjuðu FVA á attackers.

Þrátt fyrir að Tækniskólinn hafði þegar tryggt sigurinn með að vinna Valorant og Rocket League kepptu liðin engu að síður í Counter-Strike 2 en sá leikur fór 13-3 fyrir Tækniskólanum. Kortið ,,Ancient” varð fyrir valinu og völdu FVA varnarhelming.

Viðureign FG og FSu mun eiga sér stað 10. apríl og verður hægt að fylgjast með henni á streymisrás RÍSÍ og á Stöð 2 Esports.