Innlent

Búast við eld­gosi á næstu dögum

Margrét Björk Jónsdóttir skrifar
Gossprunga opnaðist innan bæjarmarka Grindavíkur í eldgosinu þann 14. janúar síðastliðinn.
Gossprunga opnaðist innan bæjarmarka Grindavíkur í eldgosinu þann 14. janúar síðastliðinn. Vísir/Arnar

Kvikusöfnun heldur áfram undir Svartsengi. Magn kviku er orðið svipað og það var fyrir síðasta gos. Jarðvísindamenn búast við nýjum atburði, kvikuhlaupi, sem gæti leitt til eldgoss á næstu dögum eða rúmri viku. 

Vísindamenn Veðurstofu Íslands funduðu í morgun vegna jarðhræringanna á Reykjanesi. Niðurstaðan af fundinum verður birt í frétt á vef Veðurstofunnar síðar í dag, auk uppfærðs hættumatskorts.

Einar Bessi Gestsson náttúruvársérfræðingur segir í samtali við fréttastofu að staðan nú sé þannig að út frá líkanreikningum sé áætlað að kvikumagn undir svæðinu á Svartsengi sé að nálgast sama magn og var fyrir síðasta gos, þann 14. janúar. 

Kvikusöfnun hefur haldið áfram allt frá síðasta gosi. Land við Svartsengi hefur risið um allt að átta millimetra á dag sem er örlítið hraðara en fyrir gosið 14. janúar. 

Einar býst við að á næstu dögum eða rúmri viku geti farið að draga til tíðinda á ný. Varað hefur verið við því að eldgos geti hafist með mjög skömmum fyrirvara. 

Grindavík Eldgos og jarðhræringar Eldgos á Reykjanesskaga
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið