Veitinga­húsið Ítalía flytur

Í tilkynningu um flutninginn á Facebook segir að „ný og endurbætt Ítalía“ opni seinna í janúar.

Veitingahúsið hefur verið rekið í húsnæðinu á Laugavegi í um þrjátíu ár. Þar var leyfi fyrir 100 manns á tveimur hæðum.

Fyrir þremur árum var rekstur fyrirtækisins auglýstur til sölu.

Á Fasteignavef Vísis kom þá fram að eftir þrjátíu ára farsælan rekstur hafi þeir Tino og Fabio ákveðið að rétta nýjum aðilum keflið.

„Veitingastaðurinn Ítalía hefur alla tíð verið rekinn af alúð og metnaði þeirra er að honum hafa komið og ber stór hópur tryggra viðskiptavina vott um það. Ítalía hefur alltaf haft yfirbragð þessa klassíska Ítalska veitingastaðar sem rekinn er af stórri fjölskyldu,“ sagði í auglýsingunni.

Á heimasíðunni segir að nýr eigandi hafi tekið við rekstri staðarins árið 2022.