Viðskipti innlent

Afpanta að­föng um ó­á­kveðinn tíma

Oddur Ævar Gunnarsson skrifar
Bláa lóninu hefur verið lokað.
Bláa lóninu hefur verið lokað. Vísir/Vilhelm

Forsvarsmenn Bláa lónsins hafa ákveðið að afpanta öll aðföng sem keypt höfðu verið af birgjum. Staðan verður tekin aftur eftir helgi.

Þetta kemur fram í tölvupósti til birgja sem Vísir hefur undir höndum. Eins og fram hefur komið hefur verið tekin ákvörðun um að loka lóninu í viku vegna yfirstandandi jarðhræringa á Reykjanesskaga.

„Við þurfum því miður að afpanta öll aðföng sem áttu að koma til okkar nún afyrir helgi og aflýsa einnig öllum föstum pöntunum þangað til annað verður ákveðið,“ segir í tölvupóstinum.

Þar segir jafnframt að staðan verði tekin aftur eftir helgi. Birgjar verði látnir vita þá með framhaldið. Þá er beðist velvirðingar á óþægindum sem þetta kunni að valda.

Áður sagði í tilkynningu frá forsvarsmönnum Bláa lónsins að truflun á upplifun gesta í nótt og langvarandi aukið álag á starfsmenn hafi verið megin ástæður lokunarinnar. Hyggjast þeir fylgjast með framgangi jarðhræringa næstu sólarhringa og meta stöðuna.

Eldgos og jarðhræringar Bláa lónið Grindavík


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið