Atvinnulíf

Byrjar daginn á því að pissa í sig af hlátri og eldar í háum hælum

Rakel Sveinsdóttir skrifar
Guðbjörg Ósk Friðriksdóttir þerapisti og höfundur Lærðu að elska þig námskeiðsins, byrjar alla daga á því að nánast pissa í sig af hlátri yfir fyndnum myndböndum.
Guðbjörg Ósk Friðriksdóttir þerapisti og höfundur Lærðu að elska þig námskeiðsins, byrjar alla daga á því að nánast pissa í sig af hlátri yfir fyndnum myndböndum.

Guðbjörg Ósk Friðriksdóttir þerapisti og höfundur Lærðu að elska þig eldar helst aldrei öðruvísi en í háhæluðum skóm og finnst lífið svo skemmtilegt að hún tímir því varla að fara snemma að sofa.

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Sama hvar ég bý í heiminum, vakna ég alltaf um hálf níu leytið og upplifi alla daga sem hátíð.“

Hvað er það fyrsta sem þú gerir á morgnana?

Í mörg ár hef ég byrjað daginn á því að nánast pissa í mig úr hlátri yfir brandara á netinu. Þannig fer ég síðan alltaf glöð inn í daginn. 

Oftast finn ég Minions video.“

Er eitthvað sem þú ert vön að gera í daglegu lífi sem annað fólk myndi telja frekar óvenjulegan vana?

„Eflaust þykir sumum það frekar óvenjulegt að ég fer alltaf í háhælaða skó þegar ég elda.

Mér finnst einfaldlega ólíkt skemmtilegra að elda í háhæluðum skóm og vera skvísa heima.“

Ósk býr á Amalfí á Ítalíu en þangað fara reglulega konur frá Íslandi í skvísuferðir þar sem ýmiss sjálfseflandi og skemmtileg dagskrá er í boði undir leiðsögn Óskar og Bryndísar Kjartansdóttur.

Í hvaða verkefni ertu að vinna helst í þessa dagana?

„Ég er á fullu núna að undirbúa netnámskeiðið Lærðu að elska þig sem byrjar á mánudaginn. Ég er líka með fólk í einkatímum hjá mér frá Íslandi og á Ítalíu og hef nýtt mér myndspjallstæknina í mörg ár til að kenna þerapíuna mína og fyrir aðra einkatíma og námskeið.

Síðan er ég að springa úr spenningi yfir skvísuferð sem verður á Amalfí á Ítalíu þar sem ég bý. Þessi ferð heitir reyndar Finndu töfrana þína með Bryndísi og Ósk og er í viku í október fyrir konur frá Íslandi. 

Leiðbeinandi með mér er Bryndís Kjartansdóttir og það sem mér finnst alltaf standa uppúr í þessum ferðum, er hvað ég kynnist alltaf mörgum mögnuðum konum.“

Hvernig skipuleggur þú þig í vinnu?

„Mér finnst best að skipuleggja vinnuna mína í göngutúrum. Helst göngutúrum í náttúrunni. 

Síðan elska ég alla andlega næringu og er alltaf að læra að skoða sjálfan mig. Sem nýtist mér vel til að efla getuna til að skipuleggja vinnuna mína og standa rétt að henni.“

Hvenær ferðu að sofa á kvöldin? (virk kvöld)

„Mér finnst lífið svo geggjað að ég fer alltof seint að sofa.“

Kaffispjallið

Tengdar fréttir

Forstjórinn byrjar daginn á að leggjast aftur upp í rúm og á gaddadýnu

Þórður Guðjónsson, forstjóri Skeljungs, segist vel gaddaður þegar hann fer fram úr og nýtur gæðastundar með eiginkonunni. Þá búinn að liggja á Shakti-gaddadýnu og hlusta á jóga-nidra hugleiðslu. EOS aðferðarfræðin í vinnunni er hans helsta skipulagstól.

Er skrambi góð á grillinu og segir humarpítsuna vera besta

Berglind Ólafsdóttir fjármálastjóri Hörpu er B týpan og á það því til að fara að búa til pestó, múslí eða sultu á kvöldin og enda þá með að fara of seint að sofa. Berglind segist skrambi góð á grillinu á sumrin og þar er það humarpítsa sem varð óvart til í Stykkishólmi um árið, sem er best.

Á það til að „Asana“ yfir sig og til í minni rigningu en meiri sól

Sigurður Svansson framkvæmdastjóri Sahara og einn stofnenda og eigenda, býr í Orlando með fjölskyldunni sinni og nýtir tímamismuninn klukkan fimm á morgnana fyrir símtöl til Íslands. Hann segir náttúrufegurðina á Íslandi magnaða en væri til í meiri sól og minni rigningu. Í Orlando er golfið áhugamál númer eitt.

Gerir sér vonir um að einn morguninn snúsi hún ekki

Vilborg Ásta Árnadóttir, markaðsstjóri Póstsins og einn eigenda visteyri.is, er ein þeirra sem heldur í vonina um að einn morguninn fari hún fram úr um leið og klukkan hringi. Og að í framhaldinu eigi hún jafnvel rólegan morgunn þar sem hún jafnvel næði að hugleiða áður en hún hendir sér í ræktina.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið