„Hér er mannúðarkrísa“ Sólrún Dögg Jósefsdóttir og Lovísa Arnardóttir skrifa 23. ágúst 2023 20:41 Helgi Þorsteinsson Silva lögmaður og Sólveig Ásta Sigurðardóttir varaformaður Solaris tóku bæði til máls. Vísir/Vilhelm Tuttugu og átta félagasamtök funduðu í dag um málefni flóttafólks sem hefur verið svipt þjónustu. Félagsmálaráðherra var eini ráðherra ríkisstjórnarinnar sem mætti en hann sagði það ekki stefnu stjórnvalda að fólk sé á götunni og að verið sé að vinna að lausn með sveitarfélögum. Á fundinum tóku meðlimir tólf félagasamtaka til máls og veltu upp spurningum tengdar flóttafólki sem ekki fær þjónustu. Í kjölfarið tóku ráðamenn við, þar á meðal Guðmundur Ingi Guðbrandsson félags- og vinnumálaráðherra og Bryndís Haraldsdóttir þingmaður Sjálfstæðisflokksins. Guðmundur sagði í ræðu sinni að ekki væri stefna stjórnvalda að senda fólk á götuna. Þá sagði hann að honum hugnaðist ekki tillögu dómsmálaráðherra um búsetuúrræði með takmörkunum. Hann sagði að búast megi við lausn á málum flóttafólks á götunni sem stjórnvöld hafa verið að vinna að í samstarfi við sveitarfélögin. „Jafnréttisparadísarkokteillinn er beiskur í dag,“ sagði Ellen Calmon gjaldkeri kvenréttindafélags Íslands. Flóttakonan Blessing Newton, sem var svipt allri þjónustu eftir að hafa verið synjað um vernd í mánuðinum, var á fundinum.Vísir/Vilhelm Ræða þingkonu féll misvel í kramið Bryndís Haraldsdóttir þingkona Sjálfstæðisflokksins tók til máls á eftir Guðmundi. Ræða hennar hlaut misgóðar undirtektir fundarmanna en einhverjir létu frá sér fliss þegar hún kom sínum málum á framfæri. „Mig langar bara að segja við við sem fórum yfir þessa löggjöf við vönduðum okkur. Ég vil meina það að við vönduðum mjög vel til verka,“ sagði hún um umrædda löggjöf. Hún sagðist átta sig á því að ekki allir séu sáttir við niðurstöðuna. Þá brýndi hún mikilvægi þess að taka vel á móti öllum sem koma til landsins. En þeir sem fái synjun verði að yfirgefa landið. Meðan á ræðu Bryndísar stóð gekk Sema Erla Serdaroglu baráttukona auk nokkurra annarra fundarmanna úr salnum. Hægt að fresta niðurfellingu á þjónustu „Í styttra samhenginu er ríkislögreglustjóri með það í hendi sér að fresta niðurfellingu þjónustu í þessum nýju lögum sem ég held að hafi verið frekar skýrt ákall um að þarf að breyta sem fyrst,“ sagði Helgi Þorsteinsson Silva lögmaður í Kvöldfréttum Stöðvar 2. Hann segir ríkislögreglustjóra geta ákveðið að fresta niðurfellingu á þjónustu fyrir þá sem synjað er um vernd. „Þá dæmir bara hver fyrir sig, er þetta sanngjarnt? Ég held að flestum finnist þetta ekki sanngjarnt eða mannúðlegt og vilji ekki sjá þetta gerast í stórum stíl og það getur ríkislögreglustjóri komið í veg fyrir í dag,“ sagði Helgi. Hefurðu reynt á það í einhverjum tilfellum að festa þessu? „Já, við höfum fengið neikvæðar niðurstöður í nokkrum málum sem að ég hef þegar kært en það frestar engri ákvörðun þannig að þetta fólk er náttúrlega ennþá í þessari stöðu þangað til að það kærumál er búið, sem það er ekki.“ Er einhver tímarammi á ákvörðuninni í þessu hjá þér? „Ég myndi nú ætla að kærunefnd myndi taka þetta fyrir hraðar en venjuleg mál, en nei, það er enginn dagsetning komin á það hvenær niðurstaða fæst í þetta.“ Nokkra þingmenn mátti sjá í salnum, þar á meðal Helgu Völu Helgadóttur úr Samfylkingunni, Björn Leví Gunnarsson úr Pírötum, Jódísi Skúladóttur úr Vinstri grænum og Jakob Frímann Magnússon úr Flokki fólksins.Vísir/Vilhelm Mannúðarkrísa Sólveig Ásta Sigurðardóttir, varaformaður Solaris segir stöðuna grafalvarlega og að fjöldi fólks sem sett hefur verið á götuna haldi áfram að aukast. „Síðast í gær voru fjórir einstaklingar settir á götuna með enga leið að afla sér viðværis, ekki með húsaskjól og allt það sem við höfum séð í fréttum. Og þurfa að reiða sig á ókunnuga, eins og okkur, til þess að lifa daginn af,“ sagði Sólveig. “Þannig að þetta er auðvitað grafalvarlegt ástand og það er virkilega ánægjulegt að öll þessi félög sem eru hér taka heils hugar undir það og lýsa yfir að hér er mannúðarkrísa,“ bætti hún við. Hvernig finnst þér að heyra af því að ráðherra vinni að lausn með sveitarfélögunum? „Við bara, grátbiðjum og vonum að það verði einhver breyting, og höldum áfram að þrýsta á að það verði og hér verði unnið að mannúðlegum niðurstöðum fyrir fólk og við munum ekki gefast upp. Hér, það sem hefur haldið okkur gangandi er allt það fólk sem hefur boðið þjónustu og vill mótmæla þessu með okkur og við munum bara halda áfram að knýja á raunverulegar breytingar.“ Vîsir fylgdist með fundinum í vaktinni eins og sjá má að neðan.
Á fundinum tóku meðlimir tólf félagasamtaka til máls og veltu upp spurningum tengdar flóttafólki sem ekki fær þjónustu. Í kjölfarið tóku ráðamenn við, þar á meðal Guðmundur Ingi Guðbrandsson félags- og vinnumálaráðherra og Bryndís Haraldsdóttir þingmaður Sjálfstæðisflokksins. Guðmundur sagði í ræðu sinni að ekki væri stefna stjórnvalda að senda fólk á götuna. Þá sagði hann að honum hugnaðist ekki tillögu dómsmálaráðherra um búsetuúrræði með takmörkunum. Hann sagði að búast megi við lausn á málum flóttafólks á götunni sem stjórnvöld hafa verið að vinna að í samstarfi við sveitarfélögin. „Jafnréttisparadísarkokteillinn er beiskur í dag,“ sagði Ellen Calmon gjaldkeri kvenréttindafélags Íslands. Flóttakonan Blessing Newton, sem var svipt allri þjónustu eftir að hafa verið synjað um vernd í mánuðinum, var á fundinum.Vísir/Vilhelm Ræða þingkonu féll misvel í kramið Bryndís Haraldsdóttir þingkona Sjálfstæðisflokksins tók til máls á eftir Guðmundi. Ræða hennar hlaut misgóðar undirtektir fundarmanna en einhverjir létu frá sér fliss þegar hún kom sínum málum á framfæri. „Mig langar bara að segja við við sem fórum yfir þessa löggjöf við vönduðum okkur. Ég vil meina það að við vönduðum mjög vel til verka,“ sagði hún um umrædda löggjöf. Hún sagðist átta sig á því að ekki allir séu sáttir við niðurstöðuna. Þá brýndi hún mikilvægi þess að taka vel á móti öllum sem koma til landsins. En þeir sem fái synjun verði að yfirgefa landið. Meðan á ræðu Bryndísar stóð gekk Sema Erla Serdaroglu baráttukona auk nokkurra annarra fundarmanna úr salnum. Hægt að fresta niðurfellingu á þjónustu „Í styttra samhenginu er ríkislögreglustjóri með það í hendi sér að fresta niðurfellingu þjónustu í þessum nýju lögum sem ég held að hafi verið frekar skýrt ákall um að þarf að breyta sem fyrst,“ sagði Helgi Þorsteinsson Silva lögmaður í Kvöldfréttum Stöðvar 2. Hann segir ríkislögreglustjóra geta ákveðið að fresta niðurfellingu á þjónustu fyrir þá sem synjað er um vernd. „Þá dæmir bara hver fyrir sig, er þetta sanngjarnt? Ég held að flestum finnist þetta ekki sanngjarnt eða mannúðlegt og vilji ekki sjá þetta gerast í stórum stíl og það getur ríkislögreglustjóri komið í veg fyrir í dag,“ sagði Helgi. Hefurðu reynt á það í einhverjum tilfellum að festa þessu? „Já, við höfum fengið neikvæðar niðurstöður í nokkrum málum sem að ég hef þegar kært en það frestar engri ákvörðun þannig að þetta fólk er náttúrlega ennþá í þessari stöðu þangað til að það kærumál er búið, sem það er ekki.“ Er einhver tímarammi á ákvörðuninni í þessu hjá þér? „Ég myndi nú ætla að kærunefnd myndi taka þetta fyrir hraðar en venjuleg mál, en nei, það er enginn dagsetning komin á það hvenær niðurstaða fæst í þetta.“ Nokkra þingmenn mátti sjá í salnum, þar á meðal Helgu Völu Helgadóttur úr Samfylkingunni, Björn Leví Gunnarsson úr Pírötum, Jódísi Skúladóttur úr Vinstri grænum og Jakob Frímann Magnússon úr Flokki fólksins.Vísir/Vilhelm Mannúðarkrísa Sólveig Ásta Sigurðardóttir, varaformaður Solaris segir stöðuna grafalvarlega og að fjöldi fólks sem sett hefur verið á götuna haldi áfram að aukast. „Síðast í gær voru fjórir einstaklingar settir á götuna með enga leið að afla sér viðværis, ekki með húsaskjól og allt það sem við höfum séð í fréttum. Og þurfa að reiða sig á ókunnuga, eins og okkur, til þess að lifa daginn af,“ sagði Sólveig. “Þannig að þetta er auðvitað grafalvarlegt ástand og það er virkilega ánægjulegt að öll þessi félög sem eru hér taka heils hugar undir það og lýsa yfir að hér er mannúðarkrísa,“ bætti hún við. Hvernig finnst þér að heyra af því að ráðherra vinni að lausn með sveitarfélögunum? „Við bara, grátbiðjum og vonum að það verði einhver breyting, og höldum áfram að þrýsta á að það verði og hér verði unnið að mannúðlegum niðurstöðum fyrir fólk og við munum ekki gefast upp. Hér, það sem hefur haldið okkur gangandi er allt það fólk sem hefur boðið þjónustu og vill mótmæla þessu með okkur og við munum bara halda áfram að knýja á raunverulegar breytingar.“ Vîsir fylgdist með fundinum í vaktinni eins og sjá má að neðan.
Flóttamenn Flóttafólk á Íslandi Hælisleitendur Tengdar fréttir Vaktin: Málefni flóttafólks sem er synjað um alþjóðlega vernd Alls bjóða 23 félagasamtök til fundar í húsakynnum Hjálpræðishersins í Mörkinni í Reykjavík klukkan 17. Til umræðu er málefni flóttafólks sem svipt hefur verið rétti á þjónustu eftir endanlega synjun um alþjóðlega vernd. 23. ágúst 2023 16:01 Þjónustusvipt flóttafólk til Hjálpræðishers í mat og virkniúrræði Svæðisstjóri Hjálpræðishersins segir þjónustusvipt flóttafólk leita til þeirra í mat og virkniúrræði. Ræða á málefni þessa hóps á samráðsfundi seinnipartinn í dag. Fjöldi félagasamtaka hafa skorað á yfirvöld að tryggja öryggi fólksins og grunnaðstoð. 23. ágúst 2023 13:00 Fjörutíu og tveir frá Venesúela fengið hæli en 435 verið synjað Á tímabilinu frá og með janúar og til og með júlí barst Útlendingastofnun 2.751 umsókn um vernd. Stærsti hlutinn var vegna einstaklinga frá Venesúela, 1.208 umsóknir, en 980 vegna einstaklinga frá Úkraínu. 22. ágúst 2023 07:10 Mest lesið Íslendingur í Bandaríkjunum: „Þetta er mjög óþægileg staða“ Erlent Fær þyngri dóm fyrir að nauðga konu, taka það upp og senda henni Innlent Rússar notuðu Brasilíu sem njósnaraverksmiðju Erlent Ákærður fyrir að ráðast á leigubílstjóra Innlent Svona verður Sæbraut í stokki Innlent Græddu á hjólinu í fyrra og vilja endurtaka leikinn Innlent Súkkulaði sviðakjammar rjúka út á Selfossi Innlent Einn lést í brunanum á Hjarðarhaga Innlent Mál hættulegra fyrrverandi fanga endi alltaf eins Innlent Alvarlega særður en ekki í lífshættu eftir árás í Úlfarsárdal Innlent Fleiri fréttir Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Hættir að taka krókinn um Háaleitisbraut og Miklubraut Vildu að skikkjan yrði rifin af öxlum Ómars Fjórtán ára piltur grunaður um að leggja hníf að hálsi annars við Hvaleyrarvatn „Þar sem vændi þrífst þar þrífst líka mansal“ Útburður manns úr Bríetartúni dreginn til baka Mjög alvarlegt tilfelli Viðbúnaður í Vesturbæ og nikótínumræður á Alþingi Guðrún segir ríkisstjórnina slá skjaldborg um Flokk fólksins Skera niður til að mæta launahækkunum Töluverður eldsvoði og þrír fluttir af vettvangi í sjúkrabíl Fjölga ferðum og auka tíðni ákveðinna leiða Strætó í haust Tekur sér leyfi frá Alþingi til að fara í áfengismeðferð Bein útsending: Afmælisráðstefna Afstöðu Kynntu fyrirhugaðan Sæbrautarstokk Sjá meira
Vaktin: Málefni flóttafólks sem er synjað um alþjóðlega vernd Alls bjóða 23 félagasamtök til fundar í húsakynnum Hjálpræðishersins í Mörkinni í Reykjavík klukkan 17. Til umræðu er málefni flóttafólks sem svipt hefur verið rétti á þjónustu eftir endanlega synjun um alþjóðlega vernd. 23. ágúst 2023 16:01
Þjónustusvipt flóttafólk til Hjálpræðishers í mat og virkniúrræði Svæðisstjóri Hjálpræðishersins segir þjónustusvipt flóttafólk leita til þeirra í mat og virkniúrræði. Ræða á málefni þessa hóps á samráðsfundi seinnipartinn í dag. Fjöldi félagasamtaka hafa skorað á yfirvöld að tryggja öryggi fólksins og grunnaðstoð. 23. ágúst 2023 13:00
Fjörutíu og tveir frá Venesúela fengið hæli en 435 verið synjað Á tímabilinu frá og með janúar og til og með júlí barst Útlendingastofnun 2.751 umsókn um vernd. Stærsti hlutinn var vegna einstaklinga frá Venesúela, 1.208 umsóknir, en 980 vegna einstaklinga frá Úkraínu. 22. ágúst 2023 07:10