Viðskipti innlent

Bein út­sending: Kynna söluna á Kerecis

Atli Ísleifsson skrifar
Fyrirtækið var stofnað á Ísafirði árið 2009.
Fyrirtækið var stofnað á Ísafirði árið 2009. Vísir/Vilhelm

Lækningavörufyrirtækið Kerecis hefur boðað til upplýsingafundar á Ísafirði sem hefst klukkan 9:00. Hægt verður að fylgjast með fundinum í beinu streymi í spilara að neðan.

Í tilkynningu frá félaginu er ekki tekið fram nákvæmlega um hvað fundurinn snýst en fréttir bárust af því í gærkvöldi að bæði Sjóvá og VÍS hefðu samþykkt að selja hluti sína í Kerecis í tengslum við yfirtöku á félaginu.

Kerecis framleiðir vörur úr þorskroði, sem eru meðal annars notaðar til meðhöndlunar á sykursýkissárum, brunasárum, munnholssárum og til margskonar uppbyggingar á líkamsvef.

Eini framsögumaður fundarins er Guðmundur Fertram Sigurjónsson, forstjóri og stofnandi Kerecis, en fundarstjóri er Ólafur Ragnar Grímsson, fyrrverandi forseti Íslands. Ólafur Ragnar situr í stjórn Kerecis fyrir hönd fjárfestisins Laurene Jobs, ekkju Steve Jobs sem kenndur var við Apple.

Hægt er að fylgjast með fundinum í spilaranum að neðan.

Fundurinn átti upphaflega að hefjast klukkan 8:30 en var frestað til klukkan níu, vegna seinkunar á flugferð frá Reykjavíkur til Ísafjarðar í morgun.

Ísafjarðarbær Kaup og sala fyrirtækja Nýsköpun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið