Fjárfesting InstaVolt flýtir fyrir orkuskiptum í bílaflota Íslands InstaVolt 7. júní 2023 12:06 InstaVolt tók í gær í notkun stærsta hraðhleðslugarð Íslands en hann er staðsettur við Aðaltorg í Reykjanesbæ,. F.v. eru Tómas Már Sigurðsson, forstjóri HS Orku, Adrian Pike, stjórnarformaður InstaVolt og HS Orku, Guðlaugur Þór Þórðarson, umhverfis-, orku- og loftslagsráðherra, Ingvar Eyfjörð, framkvæmdastjóri Aðaltorgs, og Heike Bergmann, stjórnarmeðlimur í HS Orku. InstaVolt, öflugasta hraðhleðslufyrirtæki Bretlands, fyrirhugar umtalsverðar fjárfestingar í innviðauppbyggingu fyrir rafbíla á Íslandi. Þannig mun fyrirtækið styðja við loftslagsmarkmið Íslands um kolefnishlutleysi fyrir árið 2040. InstaVolt tók í gær í notkun stærsta hraðhleðslugarð Íslands en hann er staðsettur við Aðaltorg í Reykjanesbæ, skammt frá Keflavíkurflugvelli. Alls hafa verið settar upp 20 hleðslustöðvar við Aðaltorg og eru þær knúnar af HS Orku, sem er samstarfsaðili InstaVolt í verkefninu, en HS Orka er þriðji stærsti orkuframleiðandi landsins. Gert er ráð fyrir 200 nýjum InstaVolt hleðslustöðvum víðs vegar um land á næstu tveimur árum. Áætlanir InstaVolt eru lóð á vogarskálar þess að Ísland nái að framfylgja banni við skráningu nýrra bensín- og díselbíla sem taka á gildi 2030. Þær styðja vel við innviðauppbyggingu vegna rafbíla hérlendis, jafnt fyrir íbúa sem ferðamenn, og stuðla þannig að aukinni sjálfbærni í ferðalögum um landið. Fyrr í dag kynnti InstaVolt fulltrúum íslenskra bílaleiga hvernig áætlanir fyrirtækisins geta stutt við frekari rafvæðingu bílaleiguflota landsins. Alls hafa verið settar upp 20 hleðslustöðvar við Aðaltorg í Reykjanesbæ. Gert er ráð fyrir 200 nýjum InstaVolt hleðslustöðvum víðs vegar um land á næstu tveimur árum. Tölur frá árinu 2022 sýna að markaðshlutdeild rafbíla á Íslandi er í kringum 60%, sem er það hæsta í heimi næst á eftir Noregi. Um 14% af farþegabílaflota landsins var orðinn rafvæddur árið 2022. Ísland hentar vel til rafbílavæðingar þar sem akstursleiðir eru ekki langar miðað við það sem þekkist erlendis og nægt framboð er af endurnýjanlegri raforku á hagkvæmu verði. Auk þess er allt jarðefnaeldsneyti flutt inn til landsins. Rafbílar skipta því verulegu máli í þeirri vegferð að standa við loftslagsskuldbindingar Íslands í Parísarsamkomulaginu, en áætlað er að samgöngur á landi séu um 20% af allri kolefnislosun landsins. Verkefni InstaVolt á Íslandi markar tímamót fyrir fyrirtækið, sem hefur til þess einskorðað sig við Bretlandsmarkað, og hefur InstaVolt því stigið fyrsta skrefið inn á alþjóðlega markaði. Áætlanir InstaVolt gera ráð fyrir 200 nýjum hraðhleðslustöðum hér á landi á næstu tveimur árum en fyrirtækið er þekkt fyrir öruggar, þægilegar og snertilausar greiðslukortalausnir. Guðlaugur Þór Þórðarson, umhverfis-, orku og loftslagsráðherra, var viðstaddur opnunarathöfnina við Aðaltorg í gær og sagði m.a. af því tilefni: „Íslandi hefur tekist vel til í orkuskiptum í samgöngum á landi og er í öðru sæti á eftir Noregi í sölu á rafbílum og tengiltvinnbílum. Eigi Ísland að ná markmiðum ríkisstjórnarinnar um full orkuskipti fyrir árið 2040 verðum við að hraða orkuskiptunum. Fjölgun hraðhleðslustöðva ætti að auðvelda okkur að ná þeim markmiðum okkar.“ Tómas Már Sigurðsson, forstjóri HS Orku, sagði af sama tilefni: „Við vildum tryggja okkur samstarfsaðila með langa og farsæla reynslu af hraðhleðslumöguleikum og því varð InstaVolt fyrir valinu. Við fögnum komu þeirra á íslenska markaðinn og hlökkum til að taka þátt í enn frekari innviðauppbyggingu með fyrirtækinu vítt og breytt um landið.“ Adrian Pike, stjórnarformaður InstaVolt og jafnframt stjórnarformaður HS Orku, sagði við athöfnina: „Ég er mjög stoltur af þeim áfanga sem InstaVolt og HS Orka hafa náð hér í dag. Framúrskarandi verkefnateymi beggja fyrirtækja hafa skapað tækifæri sem styðja vel við innviðauppbyggingu fyrir rafbílaflota landsins. Samningurinn um verkefnið felur í sér verulegar fjárfestingar hér á landi af hálfu InstaVolt og hann hefur lagt grunninn að einstöku samstarfi sem leiðir til þess að enn fleiri fólksbílar á Íslandi verða knúnir með 100% endurnýjanlegri raforku. Við hlökkum til að fylgja þessu eftir með röð hraðhleðslustöðva vítt og breytt um landið.“ Upplýsingar um InstaVolt má finna á instavolt.is. Upplýsingar um HS Orku má finna á hsorka.is. Orkuskipti Orkumál Mest lesið Alcoa fellur frá þriggja milljarða króna skaðabótakröfu Viðskipti innlent Besti svefninn níu mínúturnar á milli snúsa Atvinnulíf Kallar eftir virðingu eftir tollahótanir Trump Viðskipti erlent Högnuðust ríkulega en draga samt saman seglin í heimabyggð Viðskipti innlent Þorsteinn Már hættir hjá Samherja Viðskipti innlent Landsbankinn og Arion lækka vexti Neytendur Íslendingar vongóðir um að finna heitt vatn á Tenerife Viðskipti innlent Sannfærður um að fjárfestingin standi undir sér Viðskipti innlent Kaupa fasteignirnar sem hýsa starfsemi Samskipa Viðskipti innlent Hótar Evrópusambandinu og Apple háum tollum Viðskipti erlent Fleiri fréttir Hálf öld af ástríðu og kappsemi – Bílabúð Benna fagnar 50 ára afmæli Hver verður Iðnaðarmaður ársins 2025 - kosning Þjónustudagur Toyota Greiðsluáskorun Myglulaust, einangrandi og hagkvæmt byggingarefni Plastkubbahús sem eru íslensk hönnun og framleiðsla Ókeypis trygging með öllum Hakkapeliita dekkjum frá Nokian Tyres Hvað fær Iðnaðarmaður ársins 2025 í verðlaun? Sjá meira
Þannig mun fyrirtækið styðja við loftslagsmarkmið Íslands um kolefnishlutleysi fyrir árið 2040. InstaVolt tók í gær í notkun stærsta hraðhleðslugarð Íslands en hann er staðsettur við Aðaltorg í Reykjanesbæ, skammt frá Keflavíkurflugvelli. Alls hafa verið settar upp 20 hleðslustöðvar við Aðaltorg og eru þær knúnar af HS Orku, sem er samstarfsaðili InstaVolt í verkefninu, en HS Orka er þriðji stærsti orkuframleiðandi landsins. Gert er ráð fyrir 200 nýjum InstaVolt hleðslustöðvum víðs vegar um land á næstu tveimur árum. Áætlanir InstaVolt eru lóð á vogarskálar þess að Ísland nái að framfylgja banni við skráningu nýrra bensín- og díselbíla sem taka á gildi 2030. Þær styðja vel við innviðauppbyggingu vegna rafbíla hérlendis, jafnt fyrir íbúa sem ferðamenn, og stuðla þannig að aukinni sjálfbærni í ferðalögum um landið. Fyrr í dag kynnti InstaVolt fulltrúum íslenskra bílaleiga hvernig áætlanir fyrirtækisins geta stutt við frekari rafvæðingu bílaleiguflota landsins. Alls hafa verið settar upp 20 hleðslustöðvar við Aðaltorg í Reykjanesbæ. Gert er ráð fyrir 200 nýjum InstaVolt hleðslustöðvum víðs vegar um land á næstu tveimur árum. Tölur frá árinu 2022 sýna að markaðshlutdeild rafbíla á Íslandi er í kringum 60%, sem er það hæsta í heimi næst á eftir Noregi. Um 14% af farþegabílaflota landsins var orðinn rafvæddur árið 2022. Ísland hentar vel til rafbílavæðingar þar sem akstursleiðir eru ekki langar miðað við það sem þekkist erlendis og nægt framboð er af endurnýjanlegri raforku á hagkvæmu verði. Auk þess er allt jarðefnaeldsneyti flutt inn til landsins. Rafbílar skipta því verulegu máli í þeirri vegferð að standa við loftslagsskuldbindingar Íslands í Parísarsamkomulaginu, en áætlað er að samgöngur á landi séu um 20% af allri kolefnislosun landsins. Verkefni InstaVolt á Íslandi markar tímamót fyrir fyrirtækið, sem hefur til þess einskorðað sig við Bretlandsmarkað, og hefur InstaVolt því stigið fyrsta skrefið inn á alþjóðlega markaði. Áætlanir InstaVolt gera ráð fyrir 200 nýjum hraðhleðslustöðum hér á landi á næstu tveimur árum en fyrirtækið er þekkt fyrir öruggar, þægilegar og snertilausar greiðslukortalausnir. Guðlaugur Þór Þórðarson, umhverfis-, orku og loftslagsráðherra, var viðstaddur opnunarathöfnina við Aðaltorg í gær og sagði m.a. af því tilefni: „Íslandi hefur tekist vel til í orkuskiptum í samgöngum á landi og er í öðru sæti á eftir Noregi í sölu á rafbílum og tengiltvinnbílum. Eigi Ísland að ná markmiðum ríkisstjórnarinnar um full orkuskipti fyrir árið 2040 verðum við að hraða orkuskiptunum. Fjölgun hraðhleðslustöðva ætti að auðvelda okkur að ná þeim markmiðum okkar.“ Tómas Már Sigurðsson, forstjóri HS Orku, sagði af sama tilefni: „Við vildum tryggja okkur samstarfsaðila með langa og farsæla reynslu af hraðhleðslumöguleikum og því varð InstaVolt fyrir valinu. Við fögnum komu þeirra á íslenska markaðinn og hlökkum til að taka þátt í enn frekari innviðauppbyggingu með fyrirtækinu vítt og breytt um landið.“ Adrian Pike, stjórnarformaður InstaVolt og jafnframt stjórnarformaður HS Orku, sagði við athöfnina: „Ég er mjög stoltur af þeim áfanga sem InstaVolt og HS Orka hafa náð hér í dag. Framúrskarandi verkefnateymi beggja fyrirtækja hafa skapað tækifæri sem styðja vel við innviðauppbyggingu fyrir rafbílaflota landsins. Samningurinn um verkefnið felur í sér verulegar fjárfestingar hér á landi af hálfu InstaVolt og hann hefur lagt grunninn að einstöku samstarfi sem leiðir til þess að enn fleiri fólksbílar á Íslandi verða knúnir með 100% endurnýjanlegri raforku. Við hlökkum til að fylgja þessu eftir með röð hraðhleðslustöðva vítt og breytt um landið.“ Upplýsingar um InstaVolt má finna á instavolt.is. Upplýsingar um HS Orku má finna á hsorka.is.
Orkuskipti Orkumál Mest lesið Alcoa fellur frá þriggja milljarða króna skaðabótakröfu Viðskipti innlent Besti svefninn níu mínúturnar á milli snúsa Atvinnulíf Kallar eftir virðingu eftir tollahótanir Trump Viðskipti erlent Högnuðust ríkulega en draga samt saman seglin í heimabyggð Viðskipti innlent Þorsteinn Már hættir hjá Samherja Viðskipti innlent Landsbankinn og Arion lækka vexti Neytendur Íslendingar vongóðir um að finna heitt vatn á Tenerife Viðskipti innlent Sannfærður um að fjárfestingin standi undir sér Viðskipti innlent Kaupa fasteignirnar sem hýsa starfsemi Samskipa Viðskipti innlent Hótar Evrópusambandinu og Apple háum tollum Viðskipti erlent Fleiri fréttir Hálf öld af ástríðu og kappsemi – Bílabúð Benna fagnar 50 ára afmæli Hver verður Iðnaðarmaður ársins 2025 - kosning Þjónustudagur Toyota Greiðsluáskorun Myglulaust, einangrandi og hagkvæmt byggingarefni Plastkubbahús sem eru íslensk hönnun og framleiðsla Ókeypis trygging með öllum Hakkapeliita dekkjum frá Nokian Tyres Hvað fær Iðnaðarmaður ársins 2025 í verðlaun? Sjá meira