Tork gaur: Kraftmikill fjölskyldujepplingur

Bjarki Sigurðsson skrifar 18. apríl 2023 07:01

Porsche Cayenne Coupe bíllinn sem James Einar prófar í nýjasta þætti Tork gaurs. Vísir/James Einar

Bílaþættirnir Tork gaur halda áfram á Vísi í dag. Í sjötta þætti annarrar þáttaraðar er Porsche Cayenne Coupe tekinn fyrir.

James Einar Becker er stjórnandi þáttanna, Tork gaurinn sjálfur. Munurinn á Porsche Cayenne Coupe og venjulegum Porsche Cayenne er helst að hann er mun sportlegri. Minna pláss er í skottinu en bíllinn sjálfur er kraftmeiri.

Hægt er að sjá þáttinn í spilaranum hér fyrir neðan, en sjá má fyrri þætti hér.

Klippa: Tork gaur - Porsche Cayenne Coupe

„Bíllinn er aðeins mýkri og það er meiri tilfinning í honum þegar þú ert að keyra hann. Þó svo að þú sitjir hátt uppi í þessum bíl og horfir yfir þá er ekki eins og maður vaggi um eins og á trukki. Hann er nógu stífur til að hægt sé að hafa gaman þegar það er verið að keyra,“ segir James um bílinn.

James segir Porsche þekkja sína viðskiptavini mjög vel. Til að mynda er stærsti mælirinn í mælaborðinu ekki hraðamælirinn, heldur snúningsmælirinn. Það sé það sem eigendur bílanna vilja sjá.

Tork gaur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.