Körfubolti

Afrekaði það sem enginn karl og engin kona hefur náð áður

Óskar Ófeigur Jónsson skrifar
Caitlin Clark er frábær leikmaður og væntanleg stórstjarna í WNBA-deildinni.
Caitlin Clark er frábær leikmaður og væntanleg stórstjarna í WNBA-deildinni. AP/Bruce Kluckhohn

Ein af stærstu stjörnum í úrslitakeppni bandaríska háskólakörfuboltans er körfuboltakonan Caitlin Clark og þá skiptir ekki máli hvort við erum að tala um karla eða konur.

Caitlin Clark og félegar hennar í Iowa skólanum eru komnar alla leið í undanúrslitin og það er í fyrsta sinn sem kvennalið skólans nær svo langt frá árinu 1993.

Þetta er auðvitað mikið Clark að þakka enda einstakur og eiginlega óstöðvandi leikmaður.

Iowa vann 97-83 sigur á Louisville í átta liða úrslitunum og þar skrifaði Clark söguna. Hún afrekaði þá það enginn karl og engin kona hefur náð áður að gera í úrslitakeppni háskólaboltans.

Clark var nefnilega með fjörutíu stiga þrennu. Hún endaði leikinn með 41 stig, 12 stoðsendingar og 10 fráköst. Hún hitti úr 11 af 19 skotum sínum í þessum leik.

Clark kom með beinum hætti að 70 af 97 stigum sínum liðs eða 72 prósent stiganna.

Þetta var sjötta þrenna hennar á tímabilinu og sú ellefta á háskólaferlinum.

Hér fyrri neðan má sjá svipmyndir af sögulegri frammistöðu Caitlin Clark í þessum leik.




Fleiri fréttir

Sjá meira


×