Er 13 ára nýja 18 ára aldurstakmarkið? Skúli Bragi Geirdal skrifar 13. febrúar 2023 15:30 „Er aldurstakmarkið á samfélagsmiðlum 12 ára eða 13 ára?“ Þetta er algeng spurning frá bæði börnum og foreldrum þegar að ég ræði við þau um samfélagsmiðla í fræðsluerindum. Inná App Store stendur 12 ára en í skilmálum samfélagsmiðlanna stendur 13 ára. Af þessu tvennu trompa skilmálar framleiðandans rangar vörumerkingar endursöluaðilans og aldurstakmarkið inn á flesta samfélagsmiðla er því 13 ára. Þetta ósamræmi er þó ruglingslegt og vekur upp spurningar um það hver hafi ákveðið að samfélagsmiðlar væru viðeigandi fyrir 13 ára börn og af hverju? Stutta svarið er samfélagsmiðlarnir sjálfir og ástæðan er á einföldu máli sú að persónuverndarlöggjöf bannar þeim að safna gögnum um börn sem eru yngri en 13 ára. Vernd barna gegn skaðlegu efni kemur hér málinu ekkert við. Sjö aldursflokkar í bíómyndum og þáttum en aðeins einn á samfélagsmiðlum Aldursmerkingar eru víða og við þekkjum þær fyrir tíma samfélagsmiðla úr t.d. bíómyndum og þáttum. Aldursmatið á Íslandi byggir á hollenska kerfinu Kijkwijzer. Kerfið byggir á ýmsum rannsóknum og skiptist í sjö aldursflokka (leyfð öllum, 6 ára, 9 ára, 12 ára, 14 ára, 16 ára og 18 ára) og 6 efnisvísa sem eiga að hjálpa áhorfendum að taka ákvörðun um hvort horfa eigi á efni eða ekki. Hvernig getur á sama tíma verið nóg að setja eitt 13 ára aldurstakmark til þess að ná utanum efni samfélagsmiðlanna? Er 13 ára barn tilbúið í óheftan aðgang að samfélagsmiðlum? Þegar 13 ára aldrinum hefur verið náð þá eru börn sem sagt tilbúin að meðtaka allt það efni sem finna má inni á samfélagsmiðlum. Þ.e.a.s. samkvæmt reglum sem samfélagsmiðlafyrirtækin settu sjálf um notkun á eigin miðlum til þess að vernda eigin hagsmuni. Hvaða aldurstakmark myndum við setja ef við sem samfélag mættum ráða og myndum byggja það á rannsóknum á þroska barna? Tökum nokkur dæmi um skaðlegt efni sem börn sjá á samfélagsmiðlum úr rannsókn Fjölmiðlanefndar og Menntavísindastofnunar Háskóla Íslands. Á meðal barna og ungmenna á efsta stigi grunnskóla og framhaldsskóla hafa: 29% séð ógnvekjandi myndir þar sem verið var að meiða menn og dýr 27% séð leiðir til að grenna sig verulega (með t.d. lystarstoli eða lotugræðgi) 23% séð hatursskilaboð sem beinast gegn einstaklingum eða hópum 18% séð leiðir til að skaða sig líkamlega Áhorf á klám 63% stráka og 28% stelpna á efsta stigi grunnskóla (13-16 ára) hafa horft á klám. Í langflestum tilfellum leituðu þau að því sjálf. Mikið ósamræmi um mat á skaðlegu efni Ef við myndum yfirfæra aldursmat bíómynda og þátta yfir á samfélagsmiðla þá væru þeir bannaðir innan 18 ára (sjá lista neðst í greininni „Nokkur dæmi um skaðlegt efni og einkenni aldurshópa úr aldursmati Kijkwijzer í bíómyndum og þáttum“). Á samfélagsmiðlum getur 13 ára barn komist í snertingu við efni sem talið er geta haft skaðleg áhrif á einstaklinga sem eru 18 ára og yngri. Þau þurfa ekki einu sinni að leita eftir því sjálf heldur getur ógagnsær algóritmi miðlanna leitt þau á slíka staði. Um algóritma sem notaðir eru í fjármálakerfinu gilda reglur og á þeim eru varnaglar, en ekki á algóritmum samfélagsmiðlanna. Við erum því í raun að vernda peningana okkar betur en börnin okkar. Verðum að byrja að laga skekkjuna Á Íslandi eru 60% barna á aldrinum 9-12 ára með aðgang á TikTok og Snapchat. Þá höfum við dæmi um börn allt niður í leikskólaaldur sem eiga sinn eigin síma og fá að nota samfélagsmiðla eftirlitslaus. Þess vegna höfum við hingað til lagt áherslu á að fylgja 13 ára aldurstakmarkinu því einhversstaðar þarf að byrja að laga skekkjuna sem hefur myndast. Tengt efni: Þrjár ástæður fyrir því að börn yngri en 13 ára ættu ekki að vera á samfélagsmiðlum 13 ára börn hafa ekki sama þroska og reynslu og 18 ára ungmenni Það er sannarlega óvinsæl skoðun mín að mælast til þess að við hækkum aldurstakmark á samfélagsmiðlum. Best væri auðvitað að geta flokkað efnið niður í mismunandi aldursflokka eins og í bíómyndum og þáttum en umhverfi samfélagsmiðla býður ekki upp á það eins og staðan er í dag. Þess vegna er miðlalæsi svo mikilvægt sem forvörn í netöryggi til þess að valdefla okkur sem notendur samfélagsmiðla. Við þurfum ekki alltaf að samþykkja allar reglurnar sem þeir sjálfir ákveða. En þótt við hækkum kannski ekki aldurstakmarkið í dag þá er hægt að hafa það í huga að veita ekki 13 ára börnum óheftan aðgang að öllum samfélagsmiðlum. Munum að þau eru ennþá börn á þeim aldri og þurfa áfram okkar aðstoð. Upplýsinga- og miðlalæsisvika í fyrsta skipti á Íslandi Í dag er fyrsti dagur í upplýsinga- og miðlalæsisviku sem haldin er í fyrsta skipti á Íslandi. Í tilefni af því opnaði tengslanet um upplýsinga- og miðlalæsi vefinn www.miðlalæsi.is (www.midlalaesi.is). Þar er m.a. að finna fræðslumyndbönd og stuðningsefni sem allir skólar landsins hafa nú fengið sent um samskipti og líðan á netinu, áhorf á klám, fréttir og falsfréttir og ábyrga notkun samfélagsmiðla. Ég hvet ykkur til þess að kynna ykkur efnið sem þar er að finna. Miðlalæsi er fyrir fólk á öllum aldri! Nokkur dæmi um skaðlegt efni og einkenni aldurshópa úr aldursmati Kijkwijzer í bíómyndum og þáttum: 12 ára – Efni sem talið er skaðlegt: Myndir af harkalegu ofbeldi. Atriði þar sem fólk eða dýr eru mjög kvíðin eða þjást. Blóðug sár eða lík. Áfengi, fíkniefni, mismunun eða kynlíf. Þar sem börn á þessum aldri hafa ekki enn sína eigin reynslu af þessum viðfangsefnum eiga þau erfitt með að leggja rétt mat á þau og það getur haft áhrif á hegðun þeirra. 14 ára – Atriði sem einkenna aldurshópinn: Eiga í erfiðleikum með að ákveða hvað þeim finnist sjálfum vera þeirra eigin skoðun og hvað þau telji „eðlilegt“ óháð því hvað öðrum finnist um það. Hafa mikinn áhuga á hættulegri hegðun, sérstaklega ef jafnaldrar telja hana „eðlilega“ hegðun. 16 ára – Atriði sem einkenna aldurshópinn: Leitin að því hver þú ert og hvar takmörk þín liggja. Mikil þörf fyrir spennu og útrás. Viðurkenning jafningja er sú sem skiptir mestu máli. Hættuleg glæpsamleg hegðun virðist aðlaðandi og afleiðingarnar virðast minna alvarlegar. 18 ára – Efni sem talið er skaðlegt: Ógeðfellt ofbeldi Gróft klám Höfundur er verkefnastjóri miðlalæsis hjá Fjölmiðlanefnd. Heimildir: Börn og netmiðlar - Rannsókn Fjölmiðlanefndar og Menntavísindastofnunar Háskóla Íslands. Fyrir foreldra – af síðu Fjölmiðlanefndar Kijkwijzer - Hollenska aldursmatskerfið Viltu birta grein á Vísi? Sendu okkur póst. Senda grein Skúli Bragi Geirdal Samfélagsmiðlar Börn og uppeldi Mest lesið „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Heiðmörk: Gaddavír og girðingar Auður Kjartansdóttir Skoðun Réttlát leiðrétting veiðigjalda Elín Íris Fanndal Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Vér erum úr sömu sveit Steinþór Logi Arnarsson Skoðun Stéttarkerfi Halldóra Lillý Jóhannsdóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Halldór 24.05.2025 Halldór Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Skoðun Skoðun Vér erum úr sömu sveit Steinþór Logi Arnarsson skrifar Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar Skoðun Réttlát leiðrétting veiðigjalda Elín Íris Fanndal skrifar Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar Skoðun Heiðmörk: Gaddavír og girðingar Auður Kjartansdóttir skrifar Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Sjá meira
„Er aldurstakmarkið á samfélagsmiðlum 12 ára eða 13 ára?“ Þetta er algeng spurning frá bæði börnum og foreldrum þegar að ég ræði við þau um samfélagsmiðla í fræðsluerindum. Inná App Store stendur 12 ára en í skilmálum samfélagsmiðlanna stendur 13 ára. Af þessu tvennu trompa skilmálar framleiðandans rangar vörumerkingar endursöluaðilans og aldurstakmarkið inn á flesta samfélagsmiðla er því 13 ára. Þetta ósamræmi er þó ruglingslegt og vekur upp spurningar um það hver hafi ákveðið að samfélagsmiðlar væru viðeigandi fyrir 13 ára börn og af hverju? Stutta svarið er samfélagsmiðlarnir sjálfir og ástæðan er á einföldu máli sú að persónuverndarlöggjöf bannar þeim að safna gögnum um börn sem eru yngri en 13 ára. Vernd barna gegn skaðlegu efni kemur hér málinu ekkert við. Sjö aldursflokkar í bíómyndum og þáttum en aðeins einn á samfélagsmiðlum Aldursmerkingar eru víða og við þekkjum þær fyrir tíma samfélagsmiðla úr t.d. bíómyndum og þáttum. Aldursmatið á Íslandi byggir á hollenska kerfinu Kijkwijzer. Kerfið byggir á ýmsum rannsóknum og skiptist í sjö aldursflokka (leyfð öllum, 6 ára, 9 ára, 12 ára, 14 ára, 16 ára og 18 ára) og 6 efnisvísa sem eiga að hjálpa áhorfendum að taka ákvörðun um hvort horfa eigi á efni eða ekki. Hvernig getur á sama tíma verið nóg að setja eitt 13 ára aldurstakmark til þess að ná utanum efni samfélagsmiðlanna? Er 13 ára barn tilbúið í óheftan aðgang að samfélagsmiðlum? Þegar 13 ára aldrinum hefur verið náð þá eru börn sem sagt tilbúin að meðtaka allt það efni sem finna má inni á samfélagsmiðlum. Þ.e.a.s. samkvæmt reglum sem samfélagsmiðlafyrirtækin settu sjálf um notkun á eigin miðlum til þess að vernda eigin hagsmuni. Hvaða aldurstakmark myndum við setja ef við sem samfélag mættum ráða og myndum byggja það á rannsóknum á þroska barna? Tökum nokkur dæmi um skaðlegt efni sem börn sjá á samfélagsmiðlum úr rannsókn Fjölmiðlanefndar og Menntavísindastofnunar Háskóla Íslands. Á meðal barna og ungmenna á efsta stigi grunnskóla og framhaldsskóla hafa: 29% séð ógnvekjandi myndir þar sem verið var að meiða menn og dýr 27% séð leiðir til að grenna sig verulega (með t.d. lystarstoli eða lotugræðgi) 23% séð hatursskilaboð sem beinast gegn einstaklingum eða hópum 18% séð leiðir til að skaða sig líkamlega Áhorf á klám 63% stráka og 28% stelpna á efsta stigi grunnskóla (13-16 ára) hafa horft á klám. Í langflestum tilfellum leituðu þau að því sjálf. Mikið ósamræmi um mat á skaðlegu efni Ef við myndum yfirfæra aldursmat bíómynda og þátta yfir á samfélagsmiðla þá væru þeir bannaðir innan 18 ára (sjá lista neðst í greininni „Nokkur dæmi um skaðlegt efni og einkenni aldurshópa úr aldursmati Kijkwijzer í bíómyndum og þáttum“). Á samfélagsmiðlum getur 13 ára barn komist í snertingu við efni sem talið er geta haft skaðleg áhrif á einstaklinga sem eru 18 ára og yngri. Þau þurfa ekki einu sinni að leita eftir því sjálf heldur getur ógagnsær algóritmi miðlanna leitt þau á slíka staði. Um algóritma sem notaðir eru í fjármálakerfinu gilda reglur og á þeim eru varnaglar, en ekki á algóritmum samfélagsmiðlanna. Við erum því í raun að vernda peningana okkar betur en börnin okkar. Verðum að byrja að laga skekkjuna Á Íslandi eru 60% barna á aldrinum 9-12 ára með aðgang á TikTok og Snapchat. Þá höfum við dæmi um börn allt niður í leikskólaaldur sem eiga sinn eigin síma og fá að nota samfélagsmiðla eftirlitslaus. Þess vegna höfum við hingað til lagt áherslu á að fylgja 13 ára aldurstakmarkinu því einhversstaðar þarf að byrja að laga skekkjuna sem hefur myndast. Tengt efni: Þrjár ástæður fyrir því að börn yngri en 13 ára ættu ekki að vera á samfélagsmiðlum 13 ára börn hafa ekki sama þroska og reynslu og 18 ára ungmenni Það er sannarlega óvinsæl skoðun mín að mælast til þess að við hækkum aldurstakmark á samfélagsmiðlum. Best væri auðvitað að geta flokkað efnið niður í mismunandi aldursflokka eins og í bíómyndum og þáttum en umhverfi samfélagsmiðla býður ekki upp á það eins og staðan er í dag. Þess vegna er miðlalæsi svo mikilvægt sem forvörn í netöryggi til þess að valdefla okkur sem notendur samfélagsmiðla. Við þurfum ekki alltaf að samþykkja allar reglurnar sem þeir sjálfir ákveða. En þótt við hækkum kannski ekki aldurstakmarkið í dag þá er hægt að hafa það í huga að veita ekki 13 ára börnum óheftan aðgang að öllum samfélagsmiðlum. Munum að þau eru ennþá börn á þeim aldri og þurfa áfram okkar aðstoð. Upplýsinga- og miðlalæsisvika í fyrsta skipti á Íslandi Í dag er fyrsti dagur í upplýsinga- og miðlalæsisviku sem haldin er í fyrsta skipti á Íslandi. Í tilefni af því opnaði tengslanet um upplýsinga- og miðlalæsi vefinn www.miðlalæsi.is (www.midlalaesi.is). Þar er m.a. að finna fræðslumyndbönd og stuðningsefni sem allir skólar landsins hafa nú fengið sent um samskipti og líðan á netinu, áhorf á klám, fréttir og falsfréttir og ábyrga notkun samfélagsmiðla. Ég hvet ykkur til þess að kynna ykkur efnið sem þar er að finna. Miðlalæsi er fyrir fólk á öllum aldri! Nokkur dæmi um skaðlegt efni og einkenni aldurshópa úr aldursmati Kijkwijzer í bíómyndum og þáttum: 12 ára – Efni sem talið er skaðlegt: Myndir af harkalegu ofbeldi. Atriði þar sem fólk eða dýr eru mjög kvíðin eða þjást. Blóðug sár eða lík. Áfengi, fíkniefni, mismunun eða kynlíf. Þar sem börn á þessum aldri hafa ekki enn sína eigin reynslu af þessum viðfangsefnum eiga þau erfitt með að leggja rétt mat á þau og það getur haft áhrif á hegðun þeirra. 14 ára – Atriði sem einkenna aldurshópinn: Eiga í erfiðleikum með að ákveða hvað þeim finnist sjálfum vera þeirra eigin skoðun og hvað þau telji „eðlilegt“ óháð því hvað öðrum finnist um það. Hafa mikinn áhuga á hættulegri hegðun, sérstaklega ef jafnaldrar telja hana „eðlilega“ hegðun. 16 ára – Atriði sem einkenna aldurshópinn: Leitin að því hver þú ert og hvar takmörk þín liggja. Mikil þörf fyrir spennu og útrás. Viðurkenning jafningja er sú sem skiptir mestu máli. Hættuleg glæpsamleg hegðun virðist aðlaðandi og afleiðingarnar virðast minna alvarlegar. 18 ára – Efni sem talið er skaðlegt: Ógeðfellt ofbeldi Gróft klám Höfundur er verkefnastjóri miðlalæsis hjá Fjölmiðlanefnd. Heimildir: Börn og netmiðlar - Rannsókn Fjölmiðlanefndar og Menntavísindastofnunar Háskóla Íslands. Fyrir foreldra – af síðu Fjölmiðlanefndar Kijkwijzer - Hollenska aldursmatskerfið
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar
Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar
Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun