Veiði

Árnar varla vatnslausar 2023

Karl Lúðvíksson skrifar
Veiðimenn fagna því að sjá snjó sem vonandi tryggir okkur gott vatn í ánum á komandi sumri
Veiðimenn fagna því að sjá snjó sem vonandi tryggir okkur gott vatn í ánum á komandi sumri

Nú eru Íslendingar líklega að verða pínu þreyttir á kulda og snjó en í sömu anndrá erum við meðvituð um að það eru líklega tveir til þrír mánuðir eftir af vetri.

Það eru þó í það minnsta tveir hópar sem fagna snjókomu og vilja helst hafa nóg af henni en það er skíðafólk og veiðimenn. Líklega er einhver veiðimaður ekki sammála þessu fyrr en bent hefur verið á að snjóþyngsli í fjöllum og á heiðum tryggir svo gott sem næst að gott vatn verði í ánum á komandi sumri.

Það er nefnilega ekki nema fjögur ár síðan árnar voru margar hverjar svo vatnlitlar, þá sérstaklega á vestur og norðvesturlandi, að þær voru óveiðandi yfir stærstam part af sumrinu. Göngur voru þá víða ágætar en veiðin var afspyrnuléleg einfaldlega vegna þess að árnar voru varla að renna og laxinn sem var gengin lagðist í dýpstu hyljina og tók sama og ekkert. Ég þykist nokkuð viss um að veiðimenn og veiðikonur landsins kjósi frekar nokkra leiðindardaga í ófærð, nokkrar vikur þar sem það þarf að moka sig út, mánuð eða mánuði í að vakna og skafa bílinn heldur en að upplifa annað sumar eins og 2018 í vatnsleysi.

Veiðitímabilið er skammt undan en veiði hefst samkvæmt venju 1. apríl og þangað til skulum við bara fagna snjókomu og öllu því sem flestir skilgreina sem leiðindi því það segir okkur bara að við komum til með að kasta flugu fyrir lax og silung í sumar í flottu vatni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.