Argentína unnið fleiri innbyrðis viðureignir gegn Frökkum

Argentína og Frakkland hafa tólf sinnum mæst innbyrðis. Argentína hefur sex sinnum unnið Frakkland, gert þrjú jafntefli og tapað þrisvar sinnum. Seinasti sigur Argentínu gegn Frakklandi kom árið 2009 í æfingarleik þar sem Lionel Messi skoraði annað af tveimur mörkum Argrentínu.

Í dag fer fram fjórði leikurinn milli þessara þjóða á heimsmeistaramóti. Fyrsti leikurinn var árið 1930 þar sem Argentína vann 1-0. Fjörutíu og átta árum síðar mættust þjóðirnar aftur í riðlakeppni heimsmeistaramótsins og aftur vann Argentína þar sem ​​Leopoldo Luque gerði sigurmarkið í 2-1 sigri. Árið 1978 fór Argentína alla leið og vann heimsmeistaramótið.

Frakkland og Argentína mættust í ótrúlegum leik í sextán liða úrslitum á síðasta heimsmeistaramóti árið 2018. Frakkland vann ótrúlegan 4-3 sigur þar sem Kylian Mbappe gerði tvö mörk á fjórum mínútum. Fjórir leikmenn úr byrjunarliði Frakklands gegn Argentínu árið 2018 eru ekki í leikmannahópi Frakklands á HM í Katar. Eftir að hafa slegið út Argentínu fór Frakkland alla leið og vann heimsmeistaramótið í Rússlandi.