Leit hafin að best skreytta húsinu á Íslandi

Það er einfalt að taka þátt, þú einfaldlega sendir okkur mynd og lesendur fá svo að greiða sínu húsi atkvæði. Tekið verður við myndum út fimmtudaginn 15. desember.  Mögulegt er að tilkynna eigið hús eða eitthvað hús sem þú hefur tekið eftir að sé vel skreytt þessi jólin. 

Á föstudag fer svo kosning af stað hér á Vísi þar sem lesendur geta valið sigurvegara. Aðeins fimm bestu myndirnar komast í kosninguna. Sigurvegarinn verður svo tilkynntur á mánudag og í vinning eru 100.000 krónur hjá Húsasmiðjunni. 

Myndirnar skal senda á netfangið jolakeppni@visir.is og þurfa myndirnar að berast í síðasta lagi á fimmtudag. 

Uppfært fimmtudaginn 15. desember

Myndirnar streyma inn í keppnina frá öllum landshlutum. Fólk hefur út daginn í dag til að senda inn tilnefningar á jolakeppni@visir.is.