Leikjavísir

Solid Clouds opinbera annan leik fyrirtækisins

Samúel Karl Ólason skrifar
Frontiers_Key_art_2022_1920x1080

Forsvarsmenn íslenska leikjafyrirtækisins Solid Clouds ætla að forsýna nýjasta leik fyrirtækisins á næstu dögum. Starborne Frontiers er annar tölvuleikur félagsins og verður hann opinberaður á fjárfestadegi Solid Clouds þann 1. desember.

Fyrsti leikur fyrirtækisins hét Sovereign Space.

Starborne Frontiers er hannaður fyrir farsíma en er sömuleiðis hægt að spila hann í tölvu. Um er að ræða hlutverkaleik þar sem spilarinn setur sig í hlutverk flotaforingja sem safnar og uppfærir flota til að kanna, skipuleggja og sigra Starborne alheiminn sem er fullur af spennu og bardögum.

„Það hefur verið virkilega gaman að sjá nýjasta leikinn okkar, Starborne Frontiers, taka á sig mynd síðustu mánuði. Teymið hefur lagt sig fram við að framleiða hágæða tölvuleik sem mun án vafa vekja athygli. Næsti áfangi í þróun leiksins er að taka á móti fleiri spilurum og fá viðbrögð þeirra til að gera leikinn vinsælan“, Stefán Gunnarsson, forstjóri Solid Clouds, í yfirlýsingu.

Myndskeið um leikinn má sjá í spilaranum hér að neðan.

Solid Clouds var stofnað í Reykjavík árið 2013 af Stefáni Gunnarssyni, Stefáni Björnssyni og Sigurði Arnljótssyni. Hjá félaginu starfa 24 starfsmenn og er þróunarteymið leitt af reynsluboltum úr leikjaiðnaði eins og Ágústi Kristinssyni listrænum stjórnanda, Agli Sigurjónssyni framleiðanda, Þorgeiri Auðunn Karlssyni tæknistjóra og Stefáni Friðrikssyni aðalhönnuði.

Félagið var skráð á First North hlutabréfamarkaðinum síðasta sumar.


Tengdar fréttir

Verðmetur Solid Clouds á tvo milljarða

Jakobsson Capital verðmetur tölvuleikjafyrirtækið Solid Clouds á um tvo milljarða króna eða 10,9 krónur á hlut. Það er um þriðjungur yfir markaðsvirði. Gert er ráð fyrir að helmings líkur séu á að nýi leikurinn muni ganga eins og vonast er til.

Ráðinn yfir­leikja­hönnuður Solid Clouds

Stefán Friðriksson hefur verið ráðinn yfirleikjahönnuður hjá Solid Clouds. Hann hefur síðustu ár starfað sem yfirhönnuður á Angry Birds Match-leiknum.

Íslenskur leikur á lista yfir bestu herkænskuleiki heims

Starborne: Sovereign Space, leikur íslenska fyrirtækisins Solid Clouds, rataði nýverið á lista stórs leikjamiðils yfir tíu bestu herkænskuleiki heimsins. Þar er leikurinn á lista með stærstu og vinsælustu leikjum heims eins og Civilization.






Fleiri fréttir

Sjá meira


×