Musk segir horfur Twitter alvarlegar Samúel Karl Ólason skrifar 10. nóvember 2022 17:10 Musk hefur skipað starfsmönnum Twitter að snúa aftur og vinna í skrifstofum fyrirtækisins alla daga. AP/Jeff Chiu Auðjöfurinn Elon Musk, nýr eigandi Twitter, sendi í nótt bréf á þá starfsmenn fyrirtækisins sem vinna þar enn eftir uppsagnir síðustu viku. Í bréfinu sagði hann að allir um fjögur þúsund starfsmenn Twitter þurfi að verja öllum sínum vinnudögum í höfuðstöðvum fyrirtækisins og að ástandið á fyrirtækinu væri „alvarlegt“. Þá eru forsvarsmenn deilda fyrirtækisins sem sjá um öryggi, persónuupplýsingar og það að fyrirtækið fari eftir lögum sagðir hafa sagt upp. The Verge segir frá því að lögmaður sem vinnur í persónuupplýsingadeild Twitter hafi sent opið bréf á starfsmenn fyrirtækisins í morgun þar sem hann gagnrýndi Musk harðlega. Í bréfinu sagði lögmaðurinn að Musk hefði sýnt að hann svífðist einskis til að græða á notendum Twitter. Lögmaðurinn vísar til þess að Samkeppniseftirlit Bandaríkjanna (FTC) geti mögulega sektað fyrirtækið um milljarða dala. Samkvæmt Verge er hann að vísa til samkomulags sem Twitter gerði við FTC í maí eftir að upp komst um að fyrirtækið væri að nota persónuupplýsingar notenda við auglýsingadreifingu. Hann segir að tölvunarfræðingar Twitter hafi verið beðnir um að passa sjálfir upp á að þeir væru að framfylgja reglum FTC og einkaverndarlög og að hann ætti von á því að starfsfólk Twitter myndi verða fyrir þrýstingi um að gera breytingar sem gæti sett það í lagalega hættu. Sagði ástandið erfitt Business Insider segir að Musk hafi sent starfsmönnum Twitter sinn fyrsta tölvupóst klukkan hálf þrjú í nótt, á vesturströnd Bandaríkjanna, og þar hafi hann tilkynnt að allir þyrftu að mæta í persónu á skrifstofur fyrirtækisins strax í dag. Búist væri við því að þau yrðu minnst fjörutíu klukkustundir á skrifstofunni í hverri viku, nema þau fengju undanþágu frá Musk sjálfum. Auðjöfurinn sagði erfiðan tíma í vændum og að mikla vinnu þyrfti til að komast í gegnum þá tíma. Hann sagðist ekki ætla að skafa utan af hlutunum og sagði að núverandi efnahagshorfur hefðu haft slæm áhrif á reksturinn og auglýsingatekjur Twitter. Musk sagði það ástæðu þess að mikil áhersla hefði verið lögð á nýja áskriftarleið á Twitter og að án töluverðra áskriftartekna væru góðar líkur á því að Twitter lifði ekki efnahagsástandið af, eins og hann orðaði það. Því þyrftu um helmingur tekna fyrirtækisins að koma frá áskrifendum. Þrátt fyrir það væri samfélagsmiðillinn mikið háður auglýsingatekjum og hann og aðrir yfirmenn væru að vinna að því að laða auglýsendur til Twitter. Vaxtagreiðslur margfaldast Eins og frægt er orðið skrifaði Musk undir kaupsamning á Twitter í apríl en reyndi að komast undan því að kaupa fyrirtækið. Eftir margra mánaða deilur og dómsmál stóð Musk við samninginn og keypti fyrirtækið á 44 milljarða dala. Eftir það tók hann fyrirtækið af hlutabréfamarkaði. Við yfirtöku Musks tók fyrirtækið á sig um þrettán milljarða dala í skuldir. Sérfræðingar gera ráð fyrir því að vegna þessara skulda muni vaxtagreiðslur Twitter hækka úr um fimmtíu milljónum dala árið 2021 í rúman milljarð dala á næsta ári. Sjá einnig: Skuldir Twitter stigmagnast við yfirtöku Musks Ofan á það hafa auglýsendur dregið úr kaupum sínum á auglýsingum á Twitter og þá meðal annars vegna glundroða þar og þess að Musk hefur gefið í skyn að minna verði um ritstjórn á samfélagsmiðlinum. Musk hefur í kjölfarið unnið hörðum höndum að því að leita nýrra tekjulinda fyrir samfélagsmiðlafyrirtækið og sagði hann upp nærri því helmingi af um 7.500 starfsmönnum Twitter. Aragrúi falskra reikninga Eftir að ný áskriftarleið leit dagsins ljós, þar sem hvaða notendur sem er geta búið til reikning á Twitter, látið hann heita hvað sem er og greitt fyrir það átta dali á mánuði, hefur aragrúi notenda búið til reikninga í nafni frægs fólks og jafnvel fyrirtækja. Þessum reikningum hefur svo fylgt hið bláa merki sem hingað til hefur falið í sér að Twitter ábyrgist að umræddur aðgangur sé raunverulegur. Þetta fólk hefur meðal annars þóst vera Donald Trump, Nintendo í Ameríku, LeBron James, George Bush og margir aðrir. Áður en áðurnefndum Nintendo reikningi var lokað, birti hann mynd af Súper Maríó gefa fólki puttann. Hinn falski LeBron sagðist vilja spila fyrir annað lið en Los Angeles Lakers og sá sem þóttist vera Trump sagði sinn reikning til marks um að áskriftarleið Musks virkaði ekki. Öryggissérfræðingar segja í samtali við CNN að þessi bylgja falskra reikninga hafi þegar leitt til vandamála á Twitter. Twitter Bandaríkin Samfélagsmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Skelltu líka í lás á Exit og í Nýju vínbúðinni Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Sagðir vilja frekar loka TikTok en selja Viðskipti erlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Hæstiréttur sker úr um hvort taka hafi mátt bjór úr hillum Viðskipti innlent Verðbólgan minnkar en vextirnir hækka Viðskipti innlent Töpuðu þremur milljörðum á fyrsta ársfjórðungi Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Þá eru forsvarsmenn deilda fyrirtækisins sem sjá um öryggi, persónuupplýsingar og það að fyrirtækið fari eftir lögum sagðir hafa sagt upp. The Verge segir frá því að lögmaður sem vinnur í persónuupplýsingadeild Twitter hafi sent opið bréf á starfsmenn fyrirtækisins í morgun þar sem hann gagnrýndi Musk harðlega. Í bréfinu sagði lögmaðurinn að Musk hefði sýnt að hann svífðist einskis til að græða á notendum Twitter. Lögmaðurinn vísar til þess að Samkeppniseftirlit Bandaríkjanna (FTC) geti mögulega sektað fyrirtækið um milljarða dala. Samkvæmt Verge er hann að vísa til samkomulags sem Twitter gerði við FTC í maí eftir að upp komst um að fyrirtækið væri að nota persónuupplýsingar notenda við auglýsingadreifingu. Hann segir að tölvunarfræðingar Twitter hafi verið beðnir um að passa sjálfir upp á að þeir væru að framfylgja reglum FTC og einkaverndarlög og að hann ætti von á því að starfsfólk Twitter myndi verða fyrir þrýstingi um að gera breytingar sem gæti sett það í lagalega hættu. Sagði ástandið erfitt Business Insider segir að Musk hafi sent starfsmönnum Twitter sinn fyrsta tölvupóst klukkan hálf þrjú í nótt, á vesturströnd Bandaríkjanna, og þar hafi hann tilkynnt að allir þyrftu að mæta í persónu á skrifstofur fyrirtækisins strax í dag. Búist væri við því að þau yrðu minnst fjörutíu klukkustundir á skrifstofunni í hverri viku, nema þau fengju undanþágu frá Musk sjálfum. Auðjöfurinn sagði erfiðan tíma í vændum og að mikla vinnu þyrfti til að komast í gegnum þá tíma. Hann sagðist ekki ætla að skafa utan af hlutunum og sagði að núverandi efnahagshorfur hefðu haft slæm áhrif á reksturinn og auglýsingatekjur Twitter. Musk sagði það ástæðu þess að mikil áhersla hefði verið lögð á nýja áskriftarleið á Twitter og að án töluverðra áskriftartekna væru góðar líkur á því að Twitter lifði ekki efnahagsástandið af, eins og hann orðaði það. Því þyrftu um helmingur tekna fyrirtækisins að koma frá áskrifendum. Þrátt fyrir það væri samfélagsmiðillinn mikið háður auglýsingatekjum og hann og aðrir yfirmenn væru að vinna að því að laða auglýsendur til Twitter. Vaxtagreiðslur margfaldast Eins og frægt er orðið skrifaði Musk undir kaupsamning á Twitter í apríl en reyndi að komast undan því að kaupa fyrirtækið. Eftir margra mánaða deilur og dómsmál stóð Musk við samninginn og keypti fyrirtækið á 44 milljarða dala. Eftir það tók hann fyrirtækið af hlutabréfamarkaði. Við yfirtöku Musks tók fyrirtækið á sig um þrettán milljarða dala í skuldir. Sérfræðingar gera ráð fyrir því að vegna þessara skulda muni vaxtagreiðslur Twitter hækka úr um fimmtíu milljónum dala árið 2021 í rúman milljarð dala á næsta ári. Sjá einnig: Skuldir Twitter stigmagnast við yfirtöku Musks Ofan á það hafa auglýsendur dregið úr kaupum sínum á auglýsingum á Twitter og þá meðal annars vegna glundroða þar og þess að Musk hefur gefið í skyn að minna verði um ritstjórn á samfélagsmiðlinum. Musk hefur í kjölfarið unnið hörðum höndum að því að leita nýrra tekjulinda fyrir samfélagsmiðlafyrirtækið og sagði hann upp nærri því helmingi af um 7.500 starfsmönnum Twitter. Aragrúi falskra reikninga Eftir að ný áskriftarleið leit dagsins ljós, þar sem hvaða notendur sem er geta búið til reikning á Twitter, látið hann heita hvað sem er og greitt fyrir það átta dali á mánuði, hefur aragrúi notenda búið til reikninga í nafni frægs fólks og jafnvel fyrirtækja. Þessum reikningum hefur svo fylgt hið bláa merki sem hingað til hefur falið í sér að Twitter ábyrgist að umræddur aðgangur sé raunverulegur. Þetta fólk hefur meðal annars þóst vera Donald Trump, Nintendo í Ameríku, LeBron James, George Bush og margir aðrir. Áður en áðurnefndum Nintendo reikningi var lokað, birti hann mynd af Súper Maríó gefa fólki puttann. Hinn falski LeBron sagðist vilja spila fyrir annað lið en Los Angeles Lakers og sá sem þóttist vera Trump sagði sinn reikning til marks um að áskriftarleið Musks virkaði ekki. Öryggissérfræðingar segja í samtali við CNN að þessi bylgja falskra reikninga hafi þegar leitt til vandamála á Twitter.
Twitter Bandaríkin Samfélagsmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Skelltu líka í lás á Exit og í Nýju vínbúðinni Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Sagðir vilja frekar loka TikTok en selja Viðskipti erlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Hæstiréttur sker úr um hvort taka hafi mátt bjór úr hillum Viðskipti innlent Verðbólgan minnkar en vextirnir hækka Viðskipti innlent Töpuðu þremur milljörðum á fyrsta ársfjórðungi Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira