Eins og að keyra um á miðlungsstórum fiskitogara

Tinni Sveinsson skrifar 18. október 2022 08:01

GMC Denali er stór pallbíll að hætti Bandaríkjamanna. Vísir/James

Bílaþættirnir Tork gaur halda áfram á Vísi í dag. Í öðrum þætti er pallbíllinn GMC Denali tekinn fyrir.

James Einar Becker er stjórnandi þáttanna, Tork gaurinn sjálfur. Hann segir GMC pallbílinn stóran og kraftmikinn. Þveröfugan við þá miklu tækniþróun sem á sér stað í bílabransanum. Bílar eins og Teslur séu að þróast í áttina að tölvum en þetta sé frekar bíll sem keyri yfir Teslur.

Hægt er að sjá þáttinn í spilaranum hér fyrir neðan.

Klippa: Tork gaur - GMC Denali

Stór bíll að hætti Bandaríkjamanna

„Það er eitthvað úbersvalt við það að vera á svona risastórum amerískum trukki sem gæti dregið tunglið,“ segir James.

„Díselvélin í honum skilar 450 hestöflum. Hann er svo stór að mér finnst eins og ég sé að keyra um á miðlungstórum fiskitogara. Það er eins og farþeginn í bílnum sé í öðru póstnúmeri.“

James sýnir einnig í þættinum alls kyns aukahluti og eiginleika sem nýtast þeim sem þurfa að nýta hann sem vinnubíl. Því GMC Denali pallbíllinn sé hugsaður sem vinnubíll í Bandaríkjunum og það sé greinilegt að bílasmiðirnir hjá General Motors hafa séð fyrir margar leiðir til að nota bílinn.

Hann segir bílinn samt mjög þægilegan, það sé nánast eins og að vera í La-Z-Boy að keyra um í honum.

Tork gaur

Tengdar fréttir

Eitt flottasta leikfang sem er í boði

Bílaþættirnir Tork gaur hefja göngu sína á Vísi í dag. Í fyrsta þætti er sportbíllinn Porsche Cayman tekinn fyrir.

11. október 2022 07:01

Byrjaði að mynda bíla átta ára og lætur nú drauminn rætast

„Minn bílaáhugi hefur alltaf verið undirliggjandi,“ segir James Einar Becker. Í næstu viku fer James af stað með nýja bílaþætti Tork gaur hér á Vísi. Á daginn vinnur hann sem markaðsstjóri en hann átti sér alltaf draum um að gera eigin bílaþátt.

9. október 2022 12:01

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.