Fótbolti

Griezmann tryggði Atletico sigur á Bilbao

Atli Arason skrifar
Griezmann gerði mark Atletico Madrid gegn Athletic Bilbao.
Griezmann gerði mark Atletico Madrid gegn Athletic Bilbao. Getty Images

Antoine Griezmann skoraði eina mark leiksins í 0-1 útisigri Atletico Madrid á Athletic Bilbao í spænsku úrvalsdeildinni í fótbolta í kvöld.

Mark Griezmann kom á 47. mínútu eftir góðan undirbúning frá Álvaro Morata. Leikmenn Bilbao reyndu hvað þeir gátu að jafna leikinn en öflugur varnarleikur Atletico hélt út og fögnuðu þeir þriðja sigri sínum í röð í spænsku úrvalsdeildinni eftir leikslok. Atletico Madrid er jafnframt ósigrað í síðustu sjö útileikjum sínum í deildinni.

Með sigrinum stekkur Atletico yfir Bilbao í töflunni. Atletico er nú með 19 stig í 3. sæti spænsku úrvalsdeildarinnar á meðan Bilbao er einu sæti neðar með 17 stig eftir níu umferðir.

Spænski boltinn

Mest lesið


Fleiri fréttir

Sjá meira


×

Mest lesið