Viðskipti innlent

Sam­eining fyrirtækja á inn­heimtu­markaði

Atli Ísleifsson skrifar
Fyrirtækið verður til húsa í Kauphallarhúsinu við Laugaveg í Reykjavík.
Fyrirtækið verður til húsa í Kauphallarhúsinu við Laugaveg í Reykjavík. Vísir/Vilhelm

Hluthafar Inkasso ehf. og Momentum ehf. hafa náð samkomulagi um sameiningu félaganna og kemur hún til framkvæmda síðar í þessum mánuði.

Þetta kemur fram í tilkynningu þar sem segir að hið sameiginlega félag, Inkasso-Momentum, muni líkt og fyrirrennarar þess, sinna frum- og milliinnheimtu fyrir viðskiptavini sína, og lögfræðiinnheimtu fyrir milligöngu Gjaldheimtunnar.

Haft er eftir Guðmundi Magnasyni, framkvæmdastjóra hins sameinaða félags verð til öflugt félag með skýr markmið og framtíðarsýn. 

„Gagnsæi, samfélagslega ábyrg innheimta og framsæknar stafrænar lausnir hafa nú þegar skapað fyrirtækjunum sérstöðu á markaði en með sameiningunni verður slagkrafturinn einfaldlega enn meiri. Við hlökkum til að veita viðskiptavinum okkar og greiðendum enn betri þjónustu. Að auki mun sameinað félag nýta fjártækni til að styrkja og auka vöruframboð til að mæta kröfum markaðarins á næstu misserum,” er haft eftir Guðmundi.

Sigurður Rúnar Birgisson lögmaður verður áfram framkvæmdastjóri Gjaldheimtunnar en Kristinn Hallgrímsson hrl. verður stjórnarformaður Inkasso-Momentum. 

Fyrirtækið verður til húsa í Kauphallarhúsinu við Laugaveg í Reykjavík.

Fjártækni Kaup og sala fyrirtækja


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið