Albumm

Fengu grænt ljós frá Uriah Heep

Steinar Fjeldsted skrifar

Hljómsveitin Nostal var stofnuð árið 2014 en sveitin er samsett af sex einstaklingum með ólíkan bakgrunn og koma þeir víðsvegar að af landinu.

Það sem sameinar þá er áhugi á tónlist og að spila saman rokk og ról. Nostal er áhugamannahljómsveit sem æfir 1-2 í viku, heldur 3-5 tónleika á ári og spilar lög þekktra tónlistarmanna og hljómsveita, auk þess sem hún flytur eigið efni. Meðlimir Nostal eru Bjarni Ómar Haraldsson (söngur og kassagítar) Svavar Hafþór Viðarsson (bassi), Baldur Ketilsson (gítar), Þröstur Leósson (gítar), Jón Karl Ólafsson (hljómborð) og Ragnar Z. Guðjónsson (trommur).

Lagið Mín leið í flutningi Nostal er íslensk útgáfa af laginu One Minute sem Uriah Heep gaf út árið 2014. Uriah Heep hefur aldrei áður heimilað aðra texta við lög sín en þeirra eigin, fyrr en nú. Eftir að hafa neitað Nostal í fyrstu kom óvænt grænt ljós á útgáfuna. Ástæðan eru gömul kynni þeirra við þrjá hljómsveitarmeðlimi Nostal í miðbæ Reykjavíkur 21. apríl árið 1988, þá Bjarna Ómar Haraldsson, Svavar H. Viðarsson og Ragnar Z Guðjónsson. Gömul kynni gleymast ei.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband með því að senda póst á albumm@albumm.is.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.