Viðskipti innlent

Mat­höllin opni á næstu mánuðum

Ellen Geirsdóttir Håkansson skrifar
Stefnt er að því að opna mathöllina á næstu mánuðum.
Stefnt er að því að opna mathöllina á næstu mánuðum. AÐSENT, THG ARKITEKAR

Mathöllin á Pósthússtræti 5 er í þann mund að verða tilbúin af orðum Leifs Welding, eins eigenda mathallarinnar að dæma. Stefnt sé að því að opna mathöllina í lok október eða byrjun nóvember.

Leifur segir í samtali við Viðskiptablaðið að opnunardagur mathallarinnar hafi frestast að hluta til vegna kórónuveirufaraldursins og stríðsins í Úkraínu en erfiðara hafi verið að nálgast stál og önnur hráefni vegna þessa.

Til stóð að opna mathöllina fyrir síðustu jól.

Hann segir það einnig vera flóknara að gera upp gamalt hús en að byggja nýtt, það geti ýmislegt komið upp í verki sem þessu en það sé nánast verið að endursmíða húsið.

Þegar Vísir spjallaði við Leif um mathöllina á síðasta ári sagði hann að mikið yrði lagt upp úr upplifun gesta mathallarinnar.

„Stemningin er okkur mjög mikilvæg og þetta verður svo mikið meira en bara hádegisstemning eða staður til að „droppa“ inn til að grípa sér bita. Við ætlum að bjóða fólki upp á magnaða upplifun og stað sem það langar til að sækja í góðra vina hópi til þess að njóta, borða góðan mat eða fá sér drykk í umhverfi sem gleður augað. Þetta verður veisla og nautn fyrir öll skynfærin, “ sagði Leifur.

Samkvæmt Viðskiptablaðinu munu átta veitingastaðir og einn bar vera í mathöllinni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.