Þriðja kynslóð Kia Niro frumsýnd

Kristinn Ásgeir Gylfason skrifar 17. september 2022 07:00

Nýr Kia Niro verður frumsýndur um allt land í dag, laugardag frá 12-16. Þetta er þriðja kynslóð Niro sem hefur verið einn allra vinsælasti bílinn frá Kia á Íslandi og um allan heim undanfarin ár. Kia Niro mætir nú til leiks með nýtt útlit og enn rafmagnaðri en áður.

Meðfylgjandi er fréttatilkynning frá Öskju.

Nýr Kia Niro er í boði í þremur útfærslum; sem hreinn 100% rafbíll með allt að 460 km drægni á rafmagninu, með tengiltvinntækni (Plug-in Hybrid) og tvinntækni (Hybrid). Kia býður nú upp á Greenzone akstursstillingu sem sjálfkrafa færir akstur í Plug-in Hybrid og Hybrid útfærslunum í fullan EV rafakstur þegar við á til að auka sjálfbærni möguleika bílsins.

Hér má sjá umfjöllun af YouTube-rásinni carwow um bílinn.

Hönnunin á nýjum Kia Niro er mikið breytt frá fyrri gerð. Hönnunin er framúrstefnuleg og djörf og ber að mörgu leyti keim af HabaNiro hugmyndabílnum sem kynntur var 2019. Framhluti Niro er mikið breyttur með nýju og fallega hönnuðu grilli og áberandi LED ljósum sem gefa bílnum voldugt útlit. Afturhluti bílsins er dínamískur með fallega hönnuðum LED ljósum og hárri gluggalínu. Bíllinn er stærri en áður og býður upp á meira pláss. Farangursrýmið er 451 lítrar eða allt 15 lítrum stærra en áður. Yfirbygging Niro er gerð úr sjálfbærum efnum með framtíðarsýn Kia í fyrirrúmi.

Innanrýmið er nútímalegt og fallega hannað. Vandað er til verka í efnisvali þar sem sjálfbærni er höfð að leiðarljósi. Bíllinn er mjög tæknivæddur og sést það best á 10,25" Digital aðgerðaskjá þar sem boðið er upp á upplýsingar um allt sem viðkemur akstrinum og afþreyingu í gegnum snjallsíma. Niro verður búinn öllum nýjustu aksturs- og öryggiskerfum Kia.

Stór frumsýning verður í Kia húsinu hjá Bílaumboðinu Öskju að Krókhálsi 13 í dag, laugardag frá 12-16 auk þess sem umboðsaðilar Kia verða einnig með frumsýningu á sama tíma á Akureyri, Reykjanesbæ, Egilsstöðum, Selfossi og Akranesi.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.