Sport

Jónas Ingi var grátlega nálægt en er kominn inn á HM

Sindri Sverrisson skrifar
Jónas Ingi Þórisson er á leiðinni á HM í Liverpool í haust.
Jónas Ingi Þórisson er á leiðinni á HM í Liverpool í haust. FSÍ

Jónas Ingi Þórisson hefur bæst í hóp þeirra Íslendinga sem keppa á heimsmeistaramótinu í áhaldafimleikum eftir árangur sinn á Evrópumótinu fyrr í þessum mánuði.

Þetta kemur fram á heimasíðu Fimleikasambandsins sem í gær fékk staðfestingu á því að Jónas Ingi yrði með á HM. Áður var ljóst að þau Valgarð Reinhardsson, Thelma Aðalsteinsdóttir og Hildur Maja Guðmundsdóttir hefðu tryggt sig inn á mótið.

Jónas Ingi var grátlega nálægt því að tryggja sig inn strax inn á HM með árangri sínum á EM, en keppendur fengu sæti á HM eftir því í hvaða sæti þeir enduðu í fjölþrautakeppninni á EM.  Jónas Ingi hafnaði þar í 61. sæti með 72,865 stig.

Hann varð að láta sér nægja að vera fyrsti varamaður inn á HM en nú hefur keppandi gengið úr skaftinu og Jónas Ingi því bæst í hóp HM-fara.

Heimsmeistaramótið fer fram í Liverpool dagana 29. október til 6. nóvember.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.