Kia vill að EV9 verði alvöru jeppi

Kristinn Ásgeir Gylfason skrifar 27. ágúst 2022 07:01

Kia hefur hafið kynningu á rafbílalínu sinni, EV á EV6 með góðum árangri. Næsti bíll í línunni er EV9 sem er ætlað að vera alvöru jeppi samkvæmt Kia. Hann á að geta vaðið djúpt og klifrað upp brattar hæðir og yfir höfuð, vera jeppi sem er knúinn áfram á rafmagni.

Flestir hugsa um Land Cruiser og jafnvel Land Rover þegar kemur að jeppum sem eru hannaðir til að virka í torfærum og öðrum erfiðum aðstæðum. Kia ætlar að breyta því með EV9 jeppanum.

EV9 er væntanlegur á næsta ári og er ætlað að „umbylta rafjeppa markaðnum,“ samkvæmt Kia. Það þýðir í þessum áhugaverða flokki, að bíllinn verði fær um allt sem vænta má af jeppa, auk þess að vera rafknúinn.

Bílnum er „ýtt að þanmörkum endingar“ samkvæmt Kia og er ætlað að búa yfir gríðarlegri klifurgetum. Auk þess er vaðdýpt mikil og endingin er betri en í öðrum jeppum í sama flokki, samkvæmt Kia.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.