Bílar

576 hestafla Kia EV6 GT er öflugasta Kia sögunnar

Kristinn Ásgeir Gylfason skrifar
KIA EV6 GT
KIA EV6 GT

Kia er að prófa nýjar djarfar leiðir í þróun rafbíla. Á næsta ári ætlar Kia að kynna 576 hestafla GT frammistöðu útgáfu af EV6 sem á að standa í helstu sportbílum samtímans.

Hefðbundin Kia EV6 bifreið í GT útgáfu er 320 hestöfl og er um 4,5 sekúndur í 100 km/klst. Sem verður að teljast nokkuð gott.

Hin 675 hestafla úgáfa hefur 77,4 kWh rafhlöðupakka þar sem 160 kW mótor er tengdur við framöxulinn. Að aftan er 270 kW mótor. Samtals er útkoman því 576 hestafla bíll sem er um 3,4 sekúndur í 100 km/klst.

Séð aftan á KIA EV6 GT.

Kia fékk AMCI, matsfyrirtæki til að bera þessa útgáfu af EV6 GT saman við Ferrari Roma og Lamborghini Huracan Evo. EV6 hafði betur gegn báðum.

Kia hefur einnig tryggt að bíllinn geti meira en farið hratt áfram. Hann er búinn sportfjöðrun sem Kia lýsir sem „framfjöðrun með einstökum frammistöðu íhlutum.“ Bíllinn er einnig með stærri bremsudiskum og Goodyear Eagle F1 dekkjum.

Stýrið með í nýja EV6 GT.

Þá verður bíllinn búinn hinum hefðbundnu Eco, Normal, Sport og Snjó-stillingum. Kia hefur bætt við Drift stillingu. Þá er allt aflið sent til afturdekkjanna sem gerir ökumönnum auðvelt fyrir að drifta. Bíllinn verður með drægni upp á um 340 kílómetra. Sem er skemmsta drægnin í EV6 línunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.