Jarð­skjálfti ná­lægt Gríms­vötnum af stærðinni 3,7

Í samtali við fréttastofu segir Sigurlaug Hjaltadóttir, jarðeðlisfræðingur hjá Veðurstofu Íslands, að verið sé að kemba í gegnum gögnin um skjálftann.

„Það er ekki mikil smáskjálftavirkni sem stendur. Það hafa mælst nokkrir skjálftar um og yfir einn að stærð en það er ekki algengt að fá svona stóra skjálfta,“ segir Sigurlaug.

Eldstöðin Grímsvötn er staðsett austur af Grímsfjalli og gaus síðast árið 2011. Það gos var sennilega það stærsta í Grímsvötnum í heila öld.