Veiði

Fín veiði við Ölfusárós

Karl Lúðvíksson skrifar
Sjóbirtingur
Sjóbirtingur

Við Ölfusásós hefur verið fín veiði og þá sérstaklega vestanmegin á svæðinu sem er venjulega kennt við Hraun í Ölfusi.

Þarna fer í gegn allur sá, lax, sjóbirtingur og sjóbleikja sem gengur svo í hliðarárnar á þessu víðfemda vatnasvæði en þeir sem þekkja þetta svæði hafa verið að veiða fínt síðustu daga. Það sem vekur athygli er að fluguveiði er að aukast en áður fyrr voru veiðimenn eiginlega aðeins að nota beitu og spún. Núna er hins vegar mikið veitt á flugu og það er ekki að heyra annað en að það beri góðann árangur. 

Þarna þarf að koma á fjöru og veiða þangað til það fer að falla frá aftur. Mesta veiðivonin er yfirleitt tvo tíma fyrir háflóð og á liggjandanum en það er líka vel hægt að veiða þegar það byrjar að falla frá. Mest hefur verið að veiðast af sjóbirting en nokkrir laxar hafa líka verið að koma á land og eftir því sem við höfum eftir okkar heimildarmanni hafa þeir flestir verið að veiðast á flugu en líka á spún. Framundan er sá tími sem sjóbirtingurinn fer að ganga inn af mestum krafti og það má nefna að besti tíminn þykir yfirleitt þegar aðfallið og flóð er seint á kvöldin. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.