Fleiri mótfallin en fylgjandi innflutningi á landbúnaðarvörum

Atli Ísleifsson skrifar 6. júlí 2022 06:21

Í blaðinu segir frá því að afstaða landsmanna hafi lítið breyst frá því að sambærileg könnun var síðast framkvæmd, eða árið 2014. Vísir/Vilhelm Gunnarsson

Fleiri eru mótfallin frjálsum innflutningi á landbúnaðarvörum en fylgjandi samkvæmt nýrri skoðanakönnun sem unnin var fyrir Fréttablaðið.

Samkvæmt könnuninni segjast 41 prósent landsmanna andvíg en 27 prósent fylgjandi frjálsum innflutningi á landbúnaðarvörum. Ríflega 21 prósent þeirra sem þátt tóku í könnuninni tók ekki afstöðu eða vildi ekki svara.

Í blaðinu segir frá því að afstaða landsmanna hafi lítið breyst frá því að sambærileg könnun var síðast framkvæmd, eða árið 2014.

Samkvæmt könnuninni eru karlmenn hlynntari frjálsum innflutningi á landbúnaðarvörum en konur og sömuleiðis er yngra fólk meira fylgjandi en þeir sem eldri eru.

Enn fremur kemur fram að fólk á höfuðborgarsvæðinu sé jákvæðari í garð slíks innflutnings en fólk á landsbyggðinni.

Landbúnaður Skoðun: Kosningar 2022

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.