Bílar

Myndband: Kynning á Hyundai Ioniq 5 með Ísland í aðalhlutverki

Kristinn Ásgeir Gylfason skrifar
Hyundai Ioniq 5 í íslenskri náttúru.
Hyundai Ioniq 5 í íslenskri náttúru.

Auglýsingatökulið á vegum Hyundai kom hingað til lands í apríl og tók upp kynningarmyndband fyrir Hyundai Ioniq 5. Myndbandið sýnir fallegt landslag Íslands, náttúru og dýralíf og fylgir fréttinni.

Þegar kom að markaðssetningu valdi Hyundai að sýna Ioniq 5 á þremur stöðum í heiminum sem hafa hver á sinn hátt búið yfir áskorunum fyrir rafbíla sem sigrast þurfti á. Ísland er einn þessara staða sem Hyundai valdi. Það má leiða líkum að því að töluverð landkynning sé fólgin í myndbandi sem þessu.

Hyundai skilgreinir IONIQ 5 sem einstakan bíl í þéttbýli fyrir það hversu rúmgóður hann er, hlaðinn nýjustu tækni og þægindum og umfram allt góðu öryggi fyrir bæði ökumann og farþega og í raun umhverfið allt.

Ein ástæða þess að Ioniq 5 var kjörinn heimsbíll ársins var líka vegna möguleikanna sem hann býr yfir og gera kleift að fara hvert á land sem er; á vit ævintýranna til að njóta þess sem náttúran býður upp á. Þar kemur til mikil drægni og fullkomin hleðslutækni sem gerir kleift að hlaða Ioniq 5 í 80% á aðeins 18 mínútum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.