Bílar

Polestar tekið til viðskipta á Nasdaq

Kristinn Ásgeir Gylfason skrifar
Úr verksmiðju Polestar.
Úr verksmiðju Polestar.

Viðskipti með bréf sænska rafbílaframleiðandans Polestar hófust á Nasdaq í New York í gær undir skráningarheitinu PSNY. Polestar hóf starfsemi árið 2017 og hefur nú þegar selt 55.000 bíla á heimsvísu.

Viðskipti með bréf sænska rafbílaframleiðandans Polestar hófust á Nasdaq í New York í gær undir skráningarheitinu PSNY. Polestar hóf starfsemi árið 2017 og hefur nú þegar selt 55.000 bíla á heimsvísu.

„Þetta er gríðarlega stór stund fyrir allt teymið hjá Polestar,“ segir Thomas Ingenlath, forstjóri Polestar. „Við opnum nú nýjan kafla í sögu okkar sem hægt er að draga saman í einu orði - vöxtur. Árið 2025 stefnum við að því að selja 290.000 bíla á ári, 10 sinnum fleiri en við seldum árið 2021. Við erum nú þegar með raunverulegan og árangursríkan rekstur; Þessi skráning aflar okkur fjármuna og vettvang til að hjálpa til við að ná metnaðarfullum framtíðaráætlunum okkar og knýja fram leiðandi sjálfbærnimarkmið í bílaiðnaðinum.“

Polestar tilkynnti nýlega að pantanir á Polestar 2 hefðu náð yfir 32.000 það sem af er ári. Söluaukning um 290% frá því á sama tíma í fyrra. Polestar fjölgaði mörkuðum sínum úr 19 í 25, framleiðandinn fór meðal annars að bjóða bíla sína til sölu hérlendis.

Polestar mun hringja opnunarbjöllunni á Nasdaq á þriðjudag og fagna með því komu sinni á almennan markað.

Skráning Polestar var í gegnum svokallaðan SPAC (Special Purpose Acquisition Company) samruna, við COres Guggenheim Inc., stofnað af dótturfélögum The Cores Group og Guggenheim Capital, LLC.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.