Viðskipti innlent

Icelandair hyggst bæta við sig fjórum Boeing 737 MAX þotum

Eiður Þór Árnason skrifar
Icelandair verður brátt með átján 737 MAX vélar í rekstri.
Icelandair verður brátt með átján 737 MAX vélar í rekstri. Vísir/KMU

Icelandair hefur undirritað viljayfirlýsingu um kaup á fjórum Boeing 737 MAX flugvélum. Vélarnar eru framleiddar árið 2018 og gert er ráð fyrir að þær verði afhentar haustið 2022. Með þessari viðbót verður félagið með átján 737 MAX vélar í rekstri.

Þetta kemur fram í tilkynningu félagsins til kauphallar og fjölmiðla. Bogi Nils Bogason, forstjóri Icelandair, segir ánægjulegt að félagið sé bæta við Boeing 737 MAX vélum sem það hafi tryggt sér á góðum kjörum.

„Þær eru af nýrri kynslóð umhverfisvænni flugvéla og því mikilvægur þáttur í að draga úr kolefnislosun í starfsemi okkar. Við höfum aukið starfsemina jafnt og þétt eftir heimsfaraldurinn og höldum nú úti mjög öflugu leiðakerfi sem tengir Evrópu og Norður-Ameríku í gegnum Ísland.“

Icelandair fljúgi beint til 44 áfangastaða erlendis í sumar, allt að fimm sinnum á dag.

„Þessi viðbót við flotann gefur okkur tækifæri til þess að auka þjónustuna enn frekar með því að bæta við áfangastöðum og auka tíðnina á þá staði sem við fljúgum til nú þegar,“ segir Bogi Nils í tilkynningu.

Icelandair Fréttir af flugi Boeing


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið