Tíu laxar í opnunarholli Norðurár

"Þetta er heilt yfir ágæt opnun en það komu 10 laxar á land í hollinu og alla vega fimm sem sluppu af færinu en við urðum varir við lax víða og ef skilyrðin hefðu verið betri þá hefðu veiðtölur án efa verið hærri" sagði Brynjar Þór Hreggviðsson staðarhaldari og sölustjóri Norðurár í samtali við Veiðivísi. 

Fyrsti lax sumarsins kom á land af Stokkhylsbrotinu og það var Davíð Svendsen sem landaði honum. Faðir hans Ingvar Svendsen sem var við veiðar í hollinu líka hefur einmitt átt fyrsta lax sumarsins úr Norðurá fyrir fáum árum einmitt af sama veiðistað. "Það var mjög mikið vatn í ánni eða um 40 rúmmetrar sem gerði hana nokkðu erfiða en hún fer sjatnandi svo hollin sem eiga daga framundan gætu lent í ánni í toppvatni" bætti Brynjar við.