Bílar

Framkvæmdastjóri Ford vill loka umboðum og hætta að auglýsa

Kristinn Ásgeir Gylfason skrifar
Jim Farley, framkvæmdastjóri Ford.
Jim Farley, framkvæmdastjóri Ford.

Jim Farley vill selja rafknúna Ford bíla á netinu, losa Ford við lagerstöðu umboðanna og breyta núverandi sölustöðum í háklassa þjónustumiðstöðvar.

Ford vill gera hlutina öðruvísi á meðan fyrirtækið kemur sér fyrir á rafbílamarkaði. Jim Farley flutti ræðu nýlega þar sem hann staðfesti áætlanir sínar um að uppsafnaður lager verði losaður og umboð gerð að þjónustumiðstöðvum.

Farley staðfesti að Ford ætlar að selja rafbíla á netinu, þar er ekki hægt að þrætta um verðið og umboðsaðilar sem eru með fullar geymslur af forpöntuðum bílum munu heyra sögunni til.

Ford F-150 Lightning.

„Við verðum að snúa okkur að óumsemjanlegu verði. Við verðum að fara 100% á netið og hætta að vera með lager á mörgum stöðum. Við viljum engan lager, 100% fjarafgreiðslu og sendingar,“ sagði Farley við. Stafræn bílasala, þar sem kaupendur nota einungis heimasíðu til að panta bíla, jafngildir þriðjungi allrar sölu nýrra bíla í Bandaríkjunum.

Í samtali við Bloomberg bætti Farley við að hann ætlaði að hætta alveg að auglýsa bíla framleiðandans alveg. Ford er í dag einn stærsti kaupandi auglýsinga í heiminum. Ford eyðir rúmlega 3 milljörðum dollara í auglýsingar á ári sem jafngildir um 389 milljörðum króna. Ford keypti engar auglýsingar fyrir Munstang Mach-E og F-150 Lightning og báðir eru uppseldir. Þegar kemur að rafbílum „er ég ekki viss um að við þurfum auglýsingar,“ sagði Farley.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.