Allir leikir Íslands í Þjóðadeildinni í opinni dagskrá á Viaplay

Viaplay 1. júní 2022 08:51

Kári Árnason ríkjandi Íslands- og bikarmeistari og fyrrum landsliðsmaður í fótbolta er einn þeirra sérfræðinga sem fjallar um knattspyrnu á Viaplay

Viaplay hefur tryggt sér sýningarréttinn að Þjóðadeild UEFA á Íslandi til 2028 og mun sýna alla leiki íslenska karlalandsliðsins í opinni dagskrá. Fyrsti leikur Íslands er á fimmtudaginn, 2. júní, gegn Ísrael og verður hann sýndur í beinni, opinni útsendingu á Viaplay. Áskrifendur Viaplay geta síðan fylgst með öllum öðrum leikjum í Þjóðadeildinni í beinni.

„Með því að tryggja okkur sýningarréttinn á leikjum í Þjóðadeildinni og öllum leikjum íslenska karlalandsliðsins til 2028 stígum við mikilvægt skref sem leiðandi íþróttastreymisveita,“ segir Hjörvar Hafliðason, íþróttastjóri Viaplay á Íslandi.

Ísland mætir Ísrael í Þjóðadeildinni 2. júní, Albaníu 6. júní, Ísrael 14. júní og Albaníu 27. september. Kynslóðaskipti standa yfir í íslenska landsliðinu. Margir ungir og spennandi leikmenn hafa verið að láta að sér kveða upp á síðkastið og munu fá að láta ljós sitt skína með landsliðinu í Þjóðadeildinni. „Við höfum tekið inn marga nýja, unga og spennandi leikmenn, erum með lið sem við erum að þróa og byggja upp. Þessir leikir sem eru framundan í Þjóðadeildinni munu nýtast okkur vel á þeirri vegferð. Þjóðadeildin er alvöru mót sem gefur okkur kost á að þróa liðið í keppnisleikjum og það eru virkilega góðar fréttir að knattspyrnuáhugafólk geti séð leikina í opinni dagskrá á Viaplay,“ segir Arnar Þór Viðarsson, þjálfari íslenska karlalandsliðsins, sem tilkynnti hópinn fyrir leikinn gegn Ísrael fyrr í dag.

Vilhjálmur Freyr Hallsson og Andri Geir Gunnarsson, þáttastjórnendur hlaðvarpsins Steve dagskrá fjalla um knattspyrnu á Viaplay

Þjóðadeildin er keppni á vegum Knattspyrnusambands Evrópu sem fer fram á haustin á tveggja ára fresti, áður en undankeppnir Evrópu- og Heimsmeistaramóta hefjast. Ísland er í riðli með Ísrael og Albaníu, hvort tveggja lið sem teljast álíka sterk og Ísland sé litið til styrkleikalista FIFA. Ísland skipar 63. sæti listans, Albanía 66. sæti og Ísraelar 76. sætið. Ísland á því góða möguleika á því að ná góðum úrslitum gegn sterkum andstæðingum.

Rússland átti að vera í þessum sama riðli en var meinuð þátttaka í kjölfar innrásarinnar í Úkraínu. Í stað leiks sem áformaður var við Rússland mun Ísland mæta San Marínó í vináttulandsleik 9. júní.

Áskrifendur Viaplay geta fylgst með leikjum Íslands og öllum öðrum leikjum Þjóðadeildarinnar í beinni útsendingu.

Sæktu Viaplay-appið í sjónvarpið, símann og Apple TV og njóttu þess að horfa á heimsklassaíþróttir, úrval af Viaplay Originals og allt hitt gæðaefnið sem Viaplay hefur upp á að bjóða.

Fótbolti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir