Frá Akureyrarflugvelli. Myndin er úr safni.Vísir/Tryggvi Páll
Airbus farþegaþota akureyrska flugfélagsins Niceair kemur til Akureyrar í dag en jómfrúarflug vélarinnar verður farið næsta fimmtudag.
Í Morgunblaðinu segir að vélin komi frá Lissabon í Portúgal þar sem hún hefur verið í viðhaldi og málun. Vélin er af gerðinni Airbus A-319.
Uppselt er í fyrsta flug félagsins til Kaupmannahafnar og segist Þorvaldur Lúðvík Sigurjónsson forstjóri Niceair vera ánægður með bókanir í fyrstu ferðir sem hafi farið umfram væntingar.
Félagið býður upp á ferðir til London, Kaupmannahafnar, Manchester og Tenerife.
Framkvæmdastjóri Niceair, nýjasta flugfélags Íslands, telur að markaðurinn fyrir millilandaflug til og frá Akureyri sé sterkur. Fyrst um sinn verður farið varlega af stað með einni Airbus-þotu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
