Norðurá að verða svo gott sem uppseld

Staðan er þannig hjá velflestum veiðileyfasölum að margar árnar eru uppseldar eða afar lítið eftir af veiðidögum. Ein af ánum sem er einmitt að detta í að verða uppseld er Norðurá en Veiðivísir heyrði í Brynjari Þór Hreggviðssyni sölustjóra Norðurár og staðan er þannig að Norðurá er í dag ca 96% seld. Eftirspurn eftir veiðileyfum frá erlendum veiðimönnum hefur tekið mikin kipp og það er ljóst að heilt yfir á veiðisvæðum landsins gæti verið að stefna í met.

Það litla sem er laust í dag í ánum verður fljótt að fara ef veiðin fer ágætlega af stað og erlendir veiðimenn eru margir þegar farnir að teygja sig inn á jaðartímann sem hefur verið mest sóttur af Íslenskum veiðimönnum. Urriðafoss er það veiðisvæði sem opnar fyrst og það verður spennandi að sjá hvað gerist.