Flestir íbúar hreppsins vilja sameinast „öllu Snæfellsnesi“

Atli Ísleifsson skrifar 18. maí 2022 11:24

Löngufjörur á Snæfellsnesi með Snæfellsjökul í baksýn. Markaðsstofa Vesturlands

Herdís Þórðardóttir hlaut flest atkvæði í óbundnum kosningum í sveitarfélaginu Eyja- og Miklaholtahreppi á sunnan- og innanverðu Snæfellsnesi á laugardaginn. Samhliða kosningum til hreppsnefndar fór fram skoðanakönnun meðal íbúa um hug þeirra til sameiningar sveitarfélaga.

Á kjörskrá voru 86 manns og greiddu 67 þeirra atkvæði, sem gerir kjörsókn upp á 77,9 prósent.

Aðalmenn voru kjönir:

Herdís Þórðardóttir 42 atkvæði
Verónika Sigurvinsdóttir 37 atkvæði
Valgarð S. Halldórsson 36 atkvæði
Gísli Guðmundsson 28 atkvæði
Sigurbjörg Ottesen 27 atkvæði

Varamenn:

Þröstur aðalbjarnarson 25 atkvæði
Sonja Karen Marinósdóttir 26 atkvæði
Guðbjörg Gunnarsdóttir 15 atkvæði
Áslaug Sigvaldadóttir 15 atkvæði
Katharina Kotschote 13 atkvæði

Í skoðanakönnun um sameiningarmál sem framkvæmd var samhliða sveitarstjórnarkosningunum greiddu 58 einstaklingar atkvæði. Þar sögðust 28 vilja sameinast „öllu Snæfellsnesi“ en þar eru nú fyrir fimm sveitarfélög – sameinað sveitarfélag Stykkishólms og Helgafellssveitar, Grundarfjörður, Snæfellsbær, Dalabyggð og Eyja- og Miklaholtshreppur. Borgarbyggð nær sömuleiðis inn á nesið.

Niðurstaða skoðanakönnunarinnar:

Auðir 2 atkvæði
Ógildir 3 atkvæði
Vafaatkvæði 4 atkvæði
Borgarbyggð 8 atkvæði
Stykkishólmur/Helgafellssveit/Grundarfjörður 4 atkvæði
Stykkishólmur/Helgafellssveit 9 atkvæði
Allt Snæfellsnes 28 atkvæði

Íbúar í Eyja- og Miklaholtshreppi felldu tillögu um sameiningu sveitarfélagsins og Snæfellsbæjar í febrúar síðastliðinn þar sem 41 greiddi atkvæði með tillögunni en tuttugu voru henni fylgjandi. Naumur meirihluti kjósenda Snæfellsbæjar samþykkti tillöguna.

Eyja- og Miklaholtshreppur er merktur gulur á myndinni.Samband.is

Eyja- og Miklaholtshreppur Sveitarstjórnarkosningar 2022 Sveitarstjórnarmál

Tengdar fréttir

Ekkert verður af sameiningu á Vesturlandi

Tillaga um sameiningu Eyja- og Miklaholtshrepps og Snæfellsbæjar var felld í kosningum í dag.

19. febrúar 2022 23:37

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir