Veiði

Mikil aukning erlendra veiðimanna í silung

Karl Lúðvíksson skrifar
Flott bleikja úr Köldukvísl
Flott bleikja úr Köldukvísl

Sú var tíðin að erlendir veiðimenn komu til landsins svo til eingöngu til að veiða lax en sú þróun er að breytast og það hraðar en menn gerðu ráð fyrir.

Það hefur verið þannig í áratugi að stór hluti veiðitímans í mörgum ám er seldur til erlendra veiðimanna en sá hópur hefur líka verið að teygja sig inná jaðartímann sem hingað til hefur aðeins verið sóttur af Íslenskum veiðimönnum. Það hefur vþí verið þröngt um Íslenska veiðimann sem sækja í lax og nú virðist sem það fari að þrengja að í silungsveiðum líka.

Hátt verð á laxveiðileyfum gerir það að verkum að sífellt fleiri erlendir veiðimenn eru farnir að færa sig frá laxveiði í silung enda ekkert skrítið þegar veiðin á besta tíma í laxveiðiá er farin að trelja í nokkur hundruð þúsund á dag á meðan hægt er að komast í góða silungsveiði fyrir brot af þeirri upphæð. 

Nú eru sífellt fleiri að koma til landsins, bæði í gegnum innlenda aðila en líka á eigin vegum, til þess eins að flakka um landið og veiða silung. Það þykir mjög eftirsóknarvert að geta veitt fyrir litlar upphæðir við falleg vötn og ár fyrir brot af því sem það kostar að komast í lax. Þau veiðisvæði þar sem takmarkaður stangafjöldi er í boði er í mörgum tilfellum þegar uppseldur og mörg svæðin eru að verða ansi eftirsótt. Þar má sem dæmi nefna Köldukvísl en það má heita vonlaust að fá daga þar í sumar. Það er kannski ekkert skrítið að hún sé eftirsótt enda mikil veiði í henni þegar aðstæður eru réttar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.