Veiði

Laxveiðin líklega undir meðallagi í sumar

Karl Lúðvíksson skrifar
Nýgengin lax úr Eystri Rangá
Nýgengin lax úr Eystri Rangá Mynd: KL

Nýjar vikulegar veiðitölur frá Landssambandi Veiðifélaga voru birtar í gærkvöldi og það er nokkuð greinilegt að þetta sumar verður undir væntingum.

Það er nokkuð ljóst á tölunum að þetta verður ekkert sérstakt veiðisumar í laxveiðiánum nema eitthvað stórkostlegt breytist. Það eru þó ljós í rökkrinu (ekki alveg myrkur þótt rólegt sé) og þar má nefna til dæmis Elliðaárnar en veiðin þar er bara ágæt, sama má segja með toppánna á listanum Þjórsá en veiðisvæðið við Urriðafoss er komið í 668 laxa.  Norðurá situr í öðru sæti með 533 laxa sem er ekkert sérstakt fyrir stöðuna um miðjan júlí. Þverá og Kjarrá eru svo í þriðja sæti listans með 400 laxa en það verður að teljast afar líklegt að veiðin þar fari yfir sumarið í fyrra sem endaði í 1.027 löxum.

Eystri Rangá hefur gefið 319 laxa sem er minna en á sama tíma í fyrra sem er kannski ósanngjarn samanburður enda var um metár að ræða. Þessi tala rímar við veiðina á því sem er meðalár í ánni enda hefur hún þá yfirburði að vera að fá göngur meira og minna langt fram á haust. Haffjarðará er í fimmta sæti með 265 laxa, aðrar ár með minna. Þegar það eru rétt rúmar tvær vikur eftir af aðalgöngutímanum í sjálfbæru ánum er nokkuð víst að þegar 25 ára meðaltal er skoðað verður þetta sumar undir því sem má kalla meðalveiði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.