Range Rover Sport tekinn til kostanna af Jessica Hawkins við Kárahnjúka.
Nýr Range Rover Sport var frumsýndur í vikunni. Frumsýningunni var streymt um víða veröld. Þar var meðal ananrs sýnt kynningarmyndband sem kappaksturskonan Jessica Hawkins ók um Hafrahvammagljúfur á bílnum í kappi við vatnsyfirborðið sem sífell hækkaði enda Hálslón komið á yfirfall.
Klippa: Range Rover keyrir á Kárahnjúkum
Við hönnun bílsins virðist hafa verið lögð áhersla á Sport hluta nafnsins, miðað við að hann er um 12 mínútur og 30 sekúndur upp Pikes Peak í Colorado, sem er 4,5 km. brekkuklifur með 156 beygjum. Enda er bíllinn sem notaður er í myndbandinu 416 hestöfl.
Range Rover Sport við Kárahnjúka.
Bíllinn verður í boði í tengiltvinn útfærslu. Vélarnar verða frá 355 hestöflum og upp í 523. Allar útgáfurnar munu koma á sömu loftpúðafjöðrun og nýjasti Range Roveri-inn. Sem svarar kalli um lúxus. Það virðist því sem bíllinn sé bæði fær um sportlegan akstur og þægindi.
Hér að neðan má sjá kynninguna í heild sinni.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
