Viðskipti innlent

Hlutafé fiskeldisfélags Samherja aukið um þrjá og hálfan milljarð

Kjartan Kjartansson skrifar
Þorsteinn Már Baldvinsson, forstjóri Samherja, útilokar ekki að fiskeldisfélag fyrirtækisins verði skráð á hlutabréfamarkað ef vel gengur.
Þorsteinn Már Baldvinsson, forstjóri Samherja, útilokar ekki að fiskeldisfélag fyrirtækisins verði skráð á hlutabréfamarkað ef vel gengur. Vísir/Vilhelm

Um þriggja og hálfs milljarðs króna hlutafjáraukning Samherja fiskeldis ehf. er sögð verða nýtt til að byggja upp tilraunaverkefni í Öxarfirði og framkvæmdir við Reykjanesvirkjun. Fyrrverandi forstjóri stærsta fiskeldisfyrirtækis heims er á meðal fjárfesta og tekur sæti í stjórn.

Viðskiptablaðið segir frá því að milljarðarnir séu fyrsti fasi af því sem verður í heildina 7,5 milljarða króna hlutafjáraukning félagsins. Það hyggist meðal annars koma upp 40 þúsund tonna landeldi í Auðlindagarðinum við Reykjanesvirkjun.

Alf-Helge Aarskog, fyrrverandi forstjóri Mowi, stærsta fiskeldisfyrirtækis heims, tekur sæti í stjórn Samherja fiskeldis á aðalfundi félagsins á næstunni, að sögn blaðsins.

Kostnaður við fyrsta áfanga landeldisins á Reykjanesi er áætlaður um sautján milljarðar króna. Þorsteinn Már Baldvinsson, forstjóri Samherja, segir að ef vel gangi með fyrsta fasann verði annað hvort leitað að fleiri fjárfestum til að fjármagna annan og þriðja fasa verkefnisins eða að félagið verði skráð á markað.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×